AP : అల్పపీడనం ప్రభావం కారణంగా తిరుమలలో కుండపోత వర్షం కురుస్తోంది. ఈ క్రమంలోనే ఉదయం నుంచి తిరుమల కొండపై ఎడతెరపి లేకుండా వర్షం కురుస్తుండటంతో భక్తులు అవస్థలు పడుతున్నారు. దీంతో తిరుమలలోని మాడ వీధులన్నీ జలమయం అయ్యాయి. శ్రీవారి దర్శనం అనంతరం బయటకు వచ్చే భక్తులు పూర్తిగా తడుస్తూ ఆలయం నుంచి బయటకు వెళ్తున్నారు. అక్కడ షెడ్లు లేకపోవడంతో తీవ్ర ఇబ్బందులు పడుతున్నారు.
గుంటూరు: రెడ్డిగూడెం మండలంలో 2371 మీటర్ల పొడవునా నిర్మించనున్న 11 రహదారులకు ఎమ్మెల్యే కృష్ణప్రసాద్ భూమి పూజ చేశారు. పల్లె పండుగలో భాగంగా రూ.122.55 లక్షలతో సీసీ రోడ్ల నిర్మాణం, డ్రైన్ల ఏర్పాటుకు ప్రభుత్వం చర్యలు చేపట్టినట్లు తెలిపారు. ఈ కార్యక్రమంలో కూటమి నేతలు, అధికారులు పాల్గొన్నారు.
HYD: దసరా సెలవులకు సొంతూళ్లకు వెళ్లిన జనం హైదరాబాద్‌కు తిరుగు ప్రయాణం కట్టారు. దీంతో కరీంనగర్ నుంచి హైదరాబాద్ వచ్చే మార్గం మధ్యలో దుద్దెడ టోల్ ప్లాజా వద్ద రెండు కిలోమీటర్ల మేర వాహనాలు కిక్కిరిసిపోయాయి. APనుంచి ఉమ్మడి నల్లగొండ మీదుగా హైదరాబాద్‌కు వచ్చే ప్రధాన రహదారిపై భారీగా ట్రాఫిక్ జామ్ నెలకొంది. చౌటుప్పల్ పంతంగి టోల్‌ప్లాజా వద్ద వాహనాలు బారులు తీరాయి.
జిల్లా ADD వీడియో