భారతీయులు ఎవరైనా ఎలాంటి భయం లేకుండా ప్రస్తుతం జమ్మూకశ్మీర్ను సందర్శించవచ్చని మహారాష్ట్ర డిప్యూటీ సీఎం, ఎన్సీపీ చీఫ్ అజిత్ పవార్ అన్నారు. కేంద్ర హోంమంత్రిగా ఉన్నప్పుడు శ్రీనగర్లోని లాల్ చౌక్ను సందర్శించేందుకు తాను భయపడ్డానంటూ కాంగ్రెస్ నేత, కేంద్ర మాజీ హోంమంత్రి సుశీల్కుమార్ షిండే చేసిన వ్యాఖ్యలపై ఆయన ఈ విధంగా స్పందించారు.
తెలంగాణలో వరద బాధితులను ఆదుకునేందుకు ముఖ్యమంత్రి సహాయనిధికి విరాళాల వెల్లువ కొనసాగుతోంది. వరద సహాయక చర్యల కోసం మేఘా ఇంజినీరింగ్ సంస్థ ఎండీ పి.వి.కృష్ణారెడ్డి సీఎం రేవంత్రెడ్డికి రూ.5కోట్ల రూపాయల చెక్కు అందజేశారు. హైదరాబాద్ రేస్ క్లబ్ జూబ్లీహిల్స్లోని రేవంత్ నివాసంలో రూ.2 కోట్ల రూపాయలు విరాళంగా అందజేసింది. లలితా జ్యువెలర్స్ అధినేత కిరణ్ సీఎంఆర్ఎఫ్కు కోటి రూపాయలు విరాళం అందజేశారు.
ఒకట్రెండు కాదు 43 ఏళ్ల తర్వాత డ్రైవింగ్ టెస్ట్కు హాజరై, పాసయ్యారు బాలీవుడ్ నటుడు చంకీ పాండే. ఆ ఆనందాన్ని సోషల్ మీడియా వేదికగా అభిమానులతో పంచుకున్నారు. ‘‘43 సంవత్సరాల తర్వాత డ్రైవింగ్ టెస్ట్కు హాజరయ్యా. ఏం జరిగిందో ఊహించగలరా? అవును.. నేను పాసయ్యా’’ అంటూ ముంబయి ఆర్టీవోకు కృతజ్ఞతలు తెలిపారు. ఈ మేరకు ఫొటో పంచుకున్నారు.
జిల్లా ADD వీడియో