ChotaNews Quick Feeds

రత్న భాండాగారం తలుపులు తెరవగానే సొమ్మసిల్లిన ఎస్పీ

రత్న భాండాగారం తలుపులు తెరవగానే సొమ్మసిల్లిన ఎస్పీ

పూరీ జగన్నాథుడి ఆలయంలోని రత్న భాండాగారం తలుపులు ఎట్టకేలకు ఆదివారం మధ్యాహ్నం తెరుచుకున్నాయి. అయితే తలుపులను తెరువగానే పూరి జిల్లా ఎస్పీ పినాక్‌ మిశ్రా గదిలో సొమ్మసిల్లి పడిపోయారు. దాంతో ఆయనను ఆలయ పరిసరాల్లో ఏర్పాటు చేసిన హెల్త్‌ క్యాంప్‌కు తరలించారు. అక్కడ డాక్టర్‌ సీబీకే మహంతి ఆయనకు చికిత్స అందిస్తున్నారు. ఎస్పీ ఆరోగ్య పరిస్థితికి సంబంధించిన వివరాలు తెలియాల్సి ఉంది.

అందరికీ ఇన్సూరెన్స్‌.. బడ్జెట్‌ సమావేశాల్లో మార్పులు?

అందరికీ ఇన్సూరెన్స్‌.. బడ్జెట్‌ సమావేశాల్లో మార్పులు?

బీమా చట్టం-1938లో కేంద్ర ప్రభుత్వం మార్పులు చేసే అవకాశం ఉంది. 2047 నాటికి అందరికీ బీమా అందించాలనే లక్ష్యంలో భాగంగానే సవరణలు తీసుకొచ్చే సూచనలు కనిపిస్తున్నాయి. ఈ మేరకు రాబోయే బడ్జెట్‌ సమావేశాల్లో సవరణ బిల్లు ప్రవేశపెట్టొచ్చని సమాచారం. ఈ బిల్లులో కాంపోజిట్‌ లైసెన్స్‌, ఇతర ఆర్థిక ఉత్పత్తులనూ పంపిణీ చేసేందుకు బీమా సంస్థలకు అనుమతి వంటి అంశాలు ఉండొచ్చని ప్రభుత్వవర్గాలు వెల్లడించాయి.

గతాన్ని బీజేపీ మర్చిపోవాలి: చిదంబరం

గతాన్ని బీజేపీ మర్చిపోవాలి: చిదంబరం

దాదాపు 50ఏళ్ల క్రితం దేశంలో అత్యయిక స్థితిని విధించిన జూన్‌ 25వ తేదీని ‘రాజ్యాంగ హత్యా దినం’గా బీజేపీ ప్రకటించడాన్ని కాంగ్రెస్ సీనియర్ నేత పి.చిదంబరం తప్పుబట్టారు. 50 ఏళ్ల తర్వాత ఎమర్జెన్సీ గురించి చర్చించడం ఏంటి. ఎమర్జెన్సీ విధించడం పొరపాటని అప్పట్లోనే దివంగత ప్రధాని ఇందిరాగాంధీ అంగీకరించారు. ఎమర్జెన్సీని అంతసులువుగా విధించకుండా ఉండేందుకు రాజ్యాంగాన్ని సవరించాం. గతాన్ని బీజేపీ మర్చిపోవాలి’’అని పేర్కొన్నారు.