shape

Lifestyle ChotaNews

హైదరాబాదీ వెటరన్‌ స్పిన్నర్‌ రీ ఎంట్రీ

హైదరాబాదీ వెటరన్‌ స్పిన్నర్‌ రీ ఎంట్రీ

టీమిండియాకు అత్యధిక మ్యాచ్‌లు ఆడిన తెలుగుమ్మాయిల్లో గౌహర్‌ సుల్తానా ఒకరు. ఈ హైదరాబాద్‌ స్పిన్నర్‌.. 50 వన్డేలు, 37 టీ20లు ఆడింది. ఒకప్పుడు ఆమె భారత జట్టులో రెగ్యులర్‌ క్రికెటర్‌. కానీ, తర్వాత చోటు కోల్పోయింది. 35 ఏళ్ల గౌహర్‌.. WPLలో యూపీకి ఆడుతోంది. నేడు బెంగళూరుతో జరిగే మ్యాచ్‌లో తుది జట్టులో స్థానం దక్కితే సత్తా చాటాలని చూస్తోంది.

ఘనంగా మాఘపౌర్ణమి వేడుకలు

ఘనంగా మాఘపౌర్ణమి వేడుకలు

దేశవ్యాప్తంగా మాఘపౌర్ణమి వేడుకలు ఘనంగా కొనసాగుతున్నాయి. తెలంగాణ, ఆంధ్రప్రదేశ్, గుజరాత్, ఉత్తరప్రదేశ్, పశ్చిమబెంగాల్‌తో పాటు పలు రాష్ట్రాల్లో భక్తులు ఉదయాన్నే నదీస్నానాలు చేసి.. దీప తర్పణాలు వదిలారు. యూపీలోని ప్రయాగ్‌రాజ్‌లో జరుగుతున్న మాఘ కుంభ మేళా నేటి(ఫిబ్రవరి 24)తో ముగుస్తుండటంతో అక్కడికి భక్తులు పోటెత్తారు. ఇవాళ సాయంత్రం తెలంగాణలోని భద్రాద్రి సీతారాముల ఆలయంలో శ్రీదేవి-భూదేవి సమేత రంగనాథ స్వామి కల్యాణోత్సవాన్ని వైభవంగా నిర్వహించనున్నారు.

వైసీపీ మేనిఫెస్టోలో ఏం ఉండనున్నాయి?

వైసీపీ మేనిఫెస్టోలో ఏం ఉండనున్నాయి?

AP: వైసీపీ మేనిఫెస్టోలో మరోసారి భారీ పథకాలు ఉంటాయని ఆ పార్టీవర్గాలు లీకులిస్తున్నాయి. మరోసారి అధికారంలోకి వస్తే పెన్షన్‌ను రూ.4 వేలకు పెంచుతామని, రైతులను ఆకట్టుకునేలా రుణమాఫీ గ్యారంటీని ఇవ్వనున్నట్లు తెలుస్తోంది. డ్వాక్రా మహిళల కోసం కొత్త పథకాలు తీసుకొస్తామని మేనిఫెస్టోలో హామీల వర్షం కురిపించనున్నట్లు తెలుస్తోంది. ముఖ్యంగా యువత, నిరుద్యోగులను ఆకట్టుకునేందుకు జగన్‌ ప్రత్యేకహామీలు సిద్ధం చేసినట్లు వైసీపీ నేతలు చెబుతున్నారు.

శివాలయ ప్రదక్షిణానికీ నియమాలున్నాయ్..!

శివాలయ ప్రదక్షిణానికీ నియమాలున్నాయ్..!

శివాలయ ప్రదక్షిణానికీ నియమాలున్నాయ్..!

చిన్నారి కోరిక తీర్చిన సౌదీ యువరాజు

చిన్నారి కోరిక తీర్చిన సౌదీ యువరాజు

సౌదీ యువరాజు మొహమ్మద్ బిన్ సల్మాన్ ఓ చిన్నారి కోరిక నెరవేర్చాడు. సౌదీలో ఓ చోట నిర్వహించిన ఎగ్జిబిషన్‌కు యువరాజు మొహమ్మద్ బిన్ సల్మాన్ గెస్ట్‌గా వెళ్లారు. అక్కడున్న ప్రదర్శనలను తిలకిస్తూ.. ముందుకు వెళ్తుండగా, ఓ చిన్నారి పరిగెత్తుకుని వచ్చి.. తన స్టాల్ చూడాలని కోరింది. ఆమె కోరికను మన్నించి, చిన్నారి స్టాల్ వద్దకు వెళ్లి.. చిన్నారి వివరించిన విషయాలను ఆసక్తిగా విన్నారు.

ఇడ్లీ, వడతో జీవ వైవిధ్యానికి ముప్పు!

ఇడ్లీ, వడతో జీవ వైవిధ్యానికి ముప్పు!

భారతీయులు తినే పలు ఆహారపదార్థాలు జీవ వైవిధ్యానికి ముప్పు కలిగిస్తున్నాయని తాజా అధ్యయనం పేర్కొన్నది. ప్రపంచవ్యాప్తంగా 151వంటకాలపై జరిపిన పరిశోధనల్లో 26భారతీయ వంటకాల వల్ల జీవ వైవిధ్యానికి ఎక్కువ ముప్పు ఉన్నట్టు తేలిందట. వాటిలో ఇడ్లీ, వడ, చనా మసాలా, రాజ్మా, చపాతి సహా పలు ఆహార పదార్థాలున్నాయి. యూనివర్సిటీ ఆఫ్‌ సింగపూర్‌ పరిశోధకుల అధ్యయనంలో పర్యావరణంపై ఆహారపదార్థాల ప్రభావం వెలుగు చూసిందట.

వైద్య సమస్యలుంటేనే.. అద్దె గర్భానికి అనుమతి

వైద్య సమస్యలుంటేనే.. అద్దె గర్భానికి అనుమతి

అద్దె గర్భం (సరోగసీ)ద్వారా సంతానాన్ని పొందేందుకు ప్రస్తుతం ఉన్న నిబంధనలను కేంద్ర ప్రభుత్వం సవరించింది. తద్వారా దంపతుల్లో ఎవరో ఒకరు వైద్యసమస్యతో బాధపడుతున్నట్టయితేనే దాత అండాన్ని లేదా వీర్యాన్ని ఉపయోగించుకునేందుకు వీలు కల్పించింది. ఈ పద్ధతిలో సంతానాన్ని పొందాలనుకునే భర్త లేదా భార్యకు వైద్యపరమైన సమస్య ఉన్నట్టు జిల్లా మెడికల్‌ బోర్డు ధ్రువీకరించాల్సి ఉంటుందని తాజాగా జారీచేసిన నోటిఫికేషన్‌లో కేంద్రం స్పష్టం చేసింది.

సిటీలో తెల్లవారుజామునే మరో యాక్సిడెంట్

సిటీలో తెల్లవారుజామునే మరో యాక్సిడెంట్

హైదరాబాద్‌లో తెల్లవారుజామునే జరుగుతున్న రోడ్డు ప్రమాదాల సంఖ్య నానాటికీ పెరుగుతోంది. నిన్ననే బీఆర్ఎస్ ఎమ్మెల్యే లాస్యనందిత రోడ్డు ప్రమాదంలో మరణించిన సంగతి తెలిసిందే. కాగా.. ఈరోజు వేకువజామున 4 గంటలకు నగరంలోని సోలార్ సైకిల్ ట్రాక్ వద్ద ఓ కారు ప్రమాదానికి గురయింది. అయితే.. ఘటనలో ఎటువంటి ప్రాణనష్టం జరగలేదని తెలుస్తోంది. డ్రైవర్ నిద్రమత్తు వల్లే యాక్సిడెంట్ జరిగినట్లు సమాచారం.

మొలకలు తినడం వల్ల కలిగే ఆరోగ్య లాభాలు

మొలకలు తినడం వల్ల కలిగే ఆరోగ్య లాభాలు

మొలకలు తినడం వల్ల కేవలం ప్రోటీన్ అందడమే కాదు.. శరీరానికి మరిన్ని ఆరోగ్య ప్రయోజనాలు కూడా ఉన్నాయి. మొలకెత్తిన ధాన్యాలు తీసుకోవడం వల్ల డయాబెటిస్‌ను నియంత్రిస్తుంది. మొలకెత్తిన ధాన్యాలు తినడం బ్రెస్ట్ క్యాన్సర్, ప్రోస్టేట్ క్యాన్సర్ రోగులకు మంచిది. మొలకలు ప్రతిరోజూ తీసుకోవడం వల్ల గుండెకు చాలా మేలు చేస్తుంది. చెడు కొలెస్ట్రాల్ స్థాయి తగ్గి గుండె ఆరోగ్యంగా ఉంటుంది.

త్వరలో 2008-డీఎస్సీ అభ్యర్థులకు ఉద్యోగాలు?

త్వరలో 2008-డీఎస్సీ అభ్యర్థులకు ఉద్యోగాలు?

2008-డీఎస్సీ అభ్యర్థులకు త్వరలో ఉద్యోగాలిచ్చే దిశగా తెలంగాణ ప్రభుత్వం కసరత్తు చేస్తోంది. డీఎస్సీ-2008 బాధితుల పట్ల సానుకూల నిర్ణయం తీసుకోవాలని ప్రభుత్వానికి గతంలో హైకోర్టు సూచించింది. ప్రస్తుత ఖాళీల్లో వారిని భర్తీచేయాలని, కాంట్రాక్ట్‌ పద్ధతిలోనైనా ఉద్యోగాలివ్వాలని ఆదేశించింది. కోర్టుతీర్పుతో పాటు ఈ అంశంపై పాఠశాల విద్యాశాఖ ఇచ్చిన నివేదికపై ప్రభుత్వం పచ్చజెండా ఊపితే.. 1,200 మందికి ఉద్యోగాలు లభించే అవకాశాలు ఉన్నాయి.

‘ప్రజావాణి’కి వినతుల వెల్లువ

‘ప్రజావాణి’కి వినతుల వెల్లువ

HYD : ‘ప్రజావాణి’ కార్యక్రమానికి శుక్రవారం 1203 దరఖాస్తులు వచ్చాయి. ప్రజల నుంచి నోడల్‌ అధికారి దివ్య దేవరాజన్‌ అర్జీలను స్వీకరించారు. వారి సమస్యలను వీలైనంత త్వరగా పరిష్కరించేందుకు కృషి చేస్తానని ఈ సందర్భంగా ఆమె వారికి భరోసా ఇచ్చారు. ధరణి సమస్యతో భూములు కోల్పోయిన వారు, పింఛన్లు, డబుల్‌ బెడ్‌ రూం ఇళ్లు తదితర సమస్యలపై దరఖాస్తులు వచ్చాయని అధికారులు తెలిపారు.

సెంట్రల్ ఎక్సైజ్ దినోత్సవం 24.02.2024

సెంట్రల్ ఎక్సైజ్ దినోత్సవం 24.02.2024

సెంట్రల్ ఎక్సైజ్ దినోత్సవం 24.02.2024

నేడు లారా థర్మల్‌ ప్లాంట్‌ జాతికి అంకితం!

నేడు లారా థర్మల్‌ ప్లాంట్‌ జాతికి అంకితం!

ఛత్తీస్‌గఢ్‌లోని రాయ్‌గఢ్‌లో నిర్మితమైన NTPCకి చెందిన 1,600 మెగావాట్ల లారా సూపర్ థర్మల్ పవర్ స్టేషన్‌ను ప్రధాని మోదీ నేడు వీడియో కాన్ఫరెన్స్ ద్వారా జాతికి అంకితం చేయనున్నారు. రెండవ దశలో మరో 1,600 మెగావాట్ల ప్లాంట్‌కు ఆయన శంకుస్థాపన చేయనున్నారు. రెండో దశ ప్రాజెక్టుకు రూ.15,530 కోట్ల పెట్టుబడులు రానున్నాయని విద్యుత్ మంత్రిత్వ శాఖ ఒక ప్రకటనలో తెలిపింది.

ఏపీ ప్రభుత్వంపై కేంద్రమంత్రి వ్యాఖ్యలు విన్నారా?

ఏపీ ప్రభుత్వంపై కేంద్రమంత్రి వ్యాఖ్యలు విన్నారా?

ఏపీ ప్రభుత్వంపై కేంద్రమంత్రి నిర్మలాసీతారామన్ ఘాటు వ్యాఖ్యలు చేశారు. నిధులిచ్చి ఏళ్లు గడుస్తున్నా.. పనులు ముందుకు సాగడం లేదని విమర్శించారు. ఈ వీడియో నెట్టింట వైరలవుతోంది.

ఏకలవ్య ఆదర్శ గురుకులాల్లో ఆరో తరగతి ప్రవేశాలు

ఏకలవ్య ఆదర్శ గురుకులాల్లో ఆరో తరగతి ప్రవేశాలు

TG : రాష్ట్రంలోని 23 ఏకలవ్య గురుకుల విద్యాలయాల్లో 2024-25 విద్యా సంవత్సరానికి గాను ఆరో తరగతిలో ప్రవేశాలకు నోటిఫికేషన్ వెలువడింది. బోధనా మాధ్యమం ఇంగ్లీషులో CBSE సిలబస్ బోధిస్తారు. అర్హులైన గిరిజన, ఆదివాసి గిరిజన, సంచార గిరిజన, పాక్షిక సంచార గిరిజన, డీనోటిఫైడ్ ట్రైబ్ తదితర కేటగిరీలకు చెందిన విద్యార్థులు మార్చి 22లోగా ఆన్‌లైన్‌లో దరఖాస్తు చేసుకోవచ్చు.

జపాన్ చిన్నఐడియా.. భారీ ప్రశంసలు

జపాన్ చిన్నఐడియా.. భారీ ప్రశంసలు

జపాన్ ఎయిర్‌పోర్టులో ప్రయాణికుల లగేజీ డ్యామేజీ కాకుండా మెత్తతో వాటిని ఆపుతున్న వీడియో నెట్టింట వైరలవుతోంది. జపనీయుల ఐడియాపై నెట్టింట ప్రశంసలు వెల్లువెత్తుతున్నాయి.

ఇష్టం లేకుంటే ఇంటికి వెళ్లిపోవచ్చు: రేవంత్ ఫైర్

ఇష్టం లేకుంటే ఇంటికి వెళ్లిపోవచ్చు: రేవంత్ ఫైర్

TG: హెచ్‌ఎండీఏ కార్యాలయంలో వాటర్‌వర్క్స్‌, పురపాలక, జీహెచ్‌ఎంసీపై నిర్వహించిన సమీక్షలో అధికారులపై సీఎం రేవంత్‌రెడ్డి సీరియస్ అయ్యారని తెలుస్తోంది. అన్నిరకాల పత్రాలున్న భవనాల నిర్మాణాలకు అనుమతులు రాకపోవడం ఏంటి? నిబంధనలకు విరుద్ధంగా ఉన్న అపార్టుమెంట్లకు పర్మిషన్లు రావడమేంటి? అని ధ్వజమెత్తారని సమాచారం. జోనల్‌ కమిషనర్లు ఉదయాన్నే కాలనీల్లో పర్యటించాలని.. ఇష్టం లేని అధికారులు ఇంటికి వెళ్లిపోవచ్చని రేవంత్‌రెడ్డి నిక్కచ్చిగా చెప్పారని గుసగుసలు వినిపిస్తున్నాయి.

బలప్రదర్శనకు సిద్ధమైన TDP,  జనసేన

బలప్రదర్శనకు సిద్ధమైన TDP, జనసేన

AP: పశ్చిమగోదావరి జిల్లా తాడేపల్లిగూడెంలో తెలుగుదేశం, జనసేన పార్టీల ఉమ్మడి బహిరంగ సభను ఈనెల 28న నిర్వహించనున్నారు. భారీ బహిరంగ సభకు సంబంధించిన ఏర్పాట్లును, ప్రాంగణాన్ని జనసేన నేత నాదెండ్ల మనోహర్ పరిశీలించారు. ఉమ్మడి పశ్చిమ గోదావరి జిల్లా నేతలతో చర్చించి పలు సూచనలు చేశారు. ఈ వేదికపై 175 నియోజకవర్గాల నుండి 500 మంది TDP, జనసేన నేతలు పాల్గొంటారని తెలిపారు.

ముళ్ళపూడి వెంకటరమణ వర్ధంతి 24.02.2024

ముళ్ళపూడి వెంకటరమణ వర్ధంతి 24.02.2024

ముళ్ళపూడి వెంకటరమణ వర్ధంతి 24.02.2024

నేడు ప్రత్యేక ప్రవేశ దర్శన టికెట్ల కోటా రిలీజ్

నేడు ప్రత్యేక ప్రవేశ దర్శన టికెట్ల కోటా రిలీజ్

AP: మే నెలకు సంబంధించిన ప్రత్యేక ప్రవేశ దర్శన టికెట్ల కోటాను ఈరోజు ఉదయం 10 గంటలకు టీటీడీ విడుదల చేయనుంది. తిరుమల, తిరుపతిలో వసతిగదులకు సంబంధించిన కోటాను మధ్యాహ్నం 3 గంటలకు ఆన్‌లైన్‌లో పెట్టనుంది. దీంతోపాటు 27న ఉదయం 11 గంటలకు శ్రీవారి సేవ, మధ్యాహ్నం 12గంటలకు నవనీత సేవ, మధ్యాహ్నం 2గంటలకు పరకామణి సేవ కోటాను ఆన్‌లైన్‌లో అందుబాటులోకి TTD తీసుకురానుంది.

25 అడుగుల లోతులో పడిన బస్సు.. ఇద్దరు మృతి

25 అడుగుల లోతులో పడిన బస్సు.. ఇద్దరు మృతి

గుజరాత్‌లో ప్రయాణికుల బస్సు ప్రమాదానికి గురైంది. ఈ బస్సు నదియాడ్‌లోని అహ్మదాబాద్-వడోదర ఎక్స్‌ప్రెస్‌వేపై 25 అడుగుల ఎత్తులో రోడ్డుపై రెయిలింగ్ నుంచి కిందపడిపోయింది. ఈ ప్రమాదంలో ఇద్దరు మృతి చెందగా పలువురు గాయపడ్డారు. బస్సు అహ్మదాబాద్‌ నుంచి పూణె వెళ్తున్నట్లు సమాచారం. సిమెంట్ ట్యాంకర్ డ్రైవర్ అకస్మాత్తుగా వాహనాన్ని ఎడమవైపు తిప్పడంతో బస్సు ఢీకొట్టింది. ట్యాంకర్ డ్రైవర్‌పై కేసు నమోదు చేశారు.

రుణ గ్రహీతల పూర్వ ధ్రువీకరణకు పోర్టల్‌

రుణ గ్రహీతల పూర్వ ధ్రువీకరణకు పోర్టల్‌

రుణాలు కోరుకునే వారికి సంబంధించి పూర్వపు ధ్రువీకరణ వివరాలతో ఒక పోర్టల్‌ను సెంట్రల్‌ ఎకనమిక్‌ ఇంటెలిజెన్స్‌ బ్యూరో (CEIB) ప్రారంభించింది. రుణాల మంజూరు విషయంలో బ్యాంక్‌లు సకాలంలో నిర్ణయాలు తీసుకునేందుకు వీలుగా కావాల్సిన సమాచారాన్ని ఇది అందిస్తుందని ఇండియన్‌ బ్యాంక్స్‌ అసోసియేషన్‌ తెలిపింది. SBI సహకారంతో CEIB రూపొందించిన పోర్టల్‌ ఇప్పుడు బ్యాంక్‌ల పని సులభతరం చేయనుంది.

టీడీపీ-జనసేన మొదటి జాబితాలో పేర్లు ఇవే?

టీడీపీ-జనసేన మొదటి జాబితాలో పేర్లు ఇవే?

ఏపీ శాసనసభ ఎన్నికలకు సంబంధించి టీడీపీ-జనసేన నేడు అభ్యర్థుల ఫస్ట్ లిస్ట్‌ను విడుదల చేయనుంది. ఈ జాబితాలో పెద్దాపురం- చినరాజప్ప, మండపేట- జోగేశ్వరరావు, పాలకొల్లు- నిమ్మల రామానాయుడు, ఆమదాలవలస- కూన రవికుమార్, ఉండి- మంతెన రామరాజు, మంగళగిరి-లోకేశ్ , కుప్పం- చంద్రబాబు, టెక్కలి- అచ్చెన్నాయుడు, విశాఖపట్నం ఈస్ట్‌- వెలగపూడి రామకృష్ణబాబు, విశాఖపట్నం వెస్ట్‌- గణబాబు, విజయవాడ ఈస్ట్‌- గద్దె రామ్మోహన్ పేర్లు ఉంటాయని తెలుస్తోంది.

నేడు సీఎంతో ధరణి కమిటీ భేటీ

నేడు సీఎంతో ధరణి కమిటీ భేటీ

HYD : ధరణి పోర్టల్‌ నిర్వహణ బాధ్యతలను నేషనల్‌ ఇన్ఫర్మేటిక్స్‌ సెంటర్‌ (NIC)కి అప్పగించే యోచనలో రాష్ట్ర ప్రభుత్వం ఉంది. ఇందుకోసం శనివారం ముఖ్యమంత్రి రేవంత్‌రెడ్డి, రెవెన్యూ మంత్రి పొంగులేటి, ధరణి కమిటీ సభ్యులు, రెవెన్యూ అధికారులు, వక్ఫ్, దేవాదాయ, అటవీశాఖల అధికారులతో సమావేశమై పలు కీలకనిర్ణయాలు తీసుకోనున్నట్టు సమాచారం. ధరణి ద్వారా వ్యవసాయ భూముల సమస్యల పరిష్కారంలోనూ వేగంగా ముందుకెళ్లాలని ప్రభుత్వం భావిస్తోంది.

దేవులపల్లి కృష్ణశాస్త్రి వర్ధంతి24.02.2024

దేవులపల్లి కృష్ణశాస్త్రి వర్ధంతి24.02.2024

దేవులపల్లి కృష్ణశాస్త్రి వర్ధంతి24.02.2024

515 ఆలయాలకు కొత్త ట్రస్టు బోర్డులు

515 ఆలయాలకు కొత్త ట్రస్టు బోర్డులు

AP : రాష్ట్రవ్యాప్తంగా 515 ఆలయాలకు కొత్త ట్రస్టు బోర్డులను నియమించాలని ప్రభుత్వం ఆదేశించింది. 15రోజుల్లో ఈ బోర్డుల ఏర్పాటుకు దేవదాయశాఖ కసరత్తు చేస్తోంది. దేవదాయశాఖ పరిధిలో ఏడాదికి రూ. 5లక్షలు, అంతకు పైబడి ఆదాయం ఉండే ఆలయాలు 1,234వరకు ఉన్నాయి. వీటిలో ట్రస్టు బోర్డుల నియామకానికి ఎలాంటి పాలన పరమైన, న్యాయపరమైన చిక్కులు లేని 515 ఆలయాలకు నూతన ట్రస్టు బోర్డులను నియమిస్తున్నారు.

శ్రీవారి సర్వదర్శనానికి 15 గంటలు

శ్రీవారి సర్వదర్శనానికి 15 గంటలు

AP: తిరుమల శ్రీవారి ఆలయంలో భక్తుల రద్దీ సాధారణంగా ఉంది. 20 కంపార్ట్‌మెంట్లలో భక్తులు వేచి ఉన్నారు. దీంతో సర్వదర్శనానికి 15 గంటల సమయం పడుతోంది. ఇక నిన్న 62,880 మంది స్వామివారిని దర్శించుకొని మొక్కులు చెల్లించుకున్నారు. 21,904 మంది తమ తలనీలాలు సమర్పించుకున్నారు. భక్తులు అందించిన కానుకల ద్వారా హుండీ ఆదాయం రూ. 3.03 కోట్లు వచ్చిందని టీటీడీ తెలిపింది.

నగర రైల్వే స్టేషన్లకు అమృతకాలం

నగర రైల్వే స్టేషన్లకు అమృతకాలం

HYD : అమృత్‌ భారత్‌ స్టేషన్‌ పథకం కింద నగరంలోని పలు రైల్వేస్టేషన్ల రూపురేఖలు మారనున్నాయి. మల్కాజిగిరి, హైటెక్‌సిటీ, హఫీజ్‌పేట్‌, మలక్‌పేట్‌, ఉప్పుగూడ, హైదరాబాద్‌ రైల్వేస్టేషన్లలో పనులు ప్రారంభమయ్యాయి. బేగంపేట రైల్వే స్టేషన్‌ అభివృద్ధికి రూ.26.55కోట్లు కేటాయించినట్టు సికింద్రాబాద్‌ డివిజన్‌ డిప్యూటీ కమర్షియల్‌ మేనేజర్‌ మనోహర్‌రెడ్డి తెలిపారు. సుమారు రోజూ 16,648మంది వచ్చిపోయే ఈస్టేషన్‌కు విమానాశ్రయ స్థాయి సౌకర్యాలు కల్పించాలని ద.మ. రైల్వే నిర్ణయించింది.

నేడు బీజేపీ సీఈసీ భేటీ.. సీట్లపై స్పష్టత వచ్చేనా?

నేడు బీజేపీ సీఈసీ భేటీ.. సీట్లపై స్పష్టత వచ్చేనా?

ఢిల్లీలో నేడు బీజేపీ కేంద్ర ఎన్నికల కమిటీ కీలక భేటీ జరగనుంది. ఈ భేటీ తర్వాత తెలంగాణలో సగం లోక్‌సభ సీట్లకు పార్టీ అభ్యర్థులను ప్రకటించే అవకాశాలున్నాయన్న ప్రచారం జరుగుతోంది. అసెంబ్లీ ఎన్నికల సమయంలో ఆలస్యంగా అభ్యర్థులను ప్రకటించడంతో నష్టం జరిగిందన్న వాదనల నేపథ్యంలో ఇప్పుడు 17 ఎంపీ స్థానాల్లో సగం సీట్లకు అభ్యర్థులను ప్రకటించే అవకాశాలున్నాయని బీజేపీ నేతలు అంచనా వేస్తున్నారు.

ఆస్తిపన్ను లెక్క తేల్చాలని GHMC నిర్ణయం

ఆస్తిపన్ను లెక్క తేల్చాలని GHMC నిర్ణయం

HYD : ఆస్తిపన్ను ఆదాయాన్ని పెంచుకునేందుకు GHMC సిద్ధమైంది. పన్ను బకాయిదారులకు డిమాండ్‌ నోటీసులు జారీ చేయాలని అధికారులు నిర్ణయించారు. భవనానికి, భవన యజమాని చెల్లిస్తోన్న పన్నుకు వ్యత్యాసం ఉన్నట్లయితే.. ఆయా నిర్మాణాలకు నోటీసు వెళ్తుందని, కొలతలు తీసుకుని పన్ను వ్యత్యాసాన్ని సరిచేస్తామని GHMC అధికారులు ఇటీవల జరిగిన పాలకమండలి సమావేశంలో స్పష్టం చేశారు.

నేడు టీడీపీ, జనసేన అభ్యర్థుల తొలి జాబితా?

నేడు టీడీపీ, జనసేన అభ్యర్థుల తొలి జాబితా?

టీడీపీ, జనసేనల తరఫున శాసనసభ ఎన్నికల్లో పోటీచేసే అభ్యర్థుల తొలి జాబితా శనివారం విడుదల కానుంది. తెదేపా అధినేత చంద్రబాబు, జనసేన అధ్యక్షుడు పవన్‌ కల్యాణ్‌ ఒకే వేదికపై నుంచి అభ్యర్థుల పేర్లను ప్రకటించనున్నారు. ఈ కార్యక్రమంలో ఇరుపార్టీల సీనియర్‌ నేతలు పాల్గొననున్నారు. తొలి జాబితాలో టీడీపీ నుంచి ఒక 50 పేర్లను.. జనసేన నుంచి 15 పేర్లు ప్రకటించే అవకాశం ఉంది.

57 అమృత్‌ భారత్‌ స్టేషన్లకు 26న శంకుస్థాపన

57 అమృత్‌ భారత్‌ స్టేషన్లకు 26న శంకుస్థాపన

HYD : దక్షిణ మధ్య రైల్వే జోన్‌ పరిధిలో అమృత్‌ భారత్‌ స్టేషన్‌ పథకం కింద 57 రైల్వే స్టేషన్ల పునరాభివృద్ధి పనులకు ఈ నెల 26న శంకుస్థాపన చేయనున్నారు. తెలంగాణలో 15 రైల్వేస్టేషన్లకు రూ.230కోట్లు ఖర్చు చేయనున్నారు. ఆంధ్రప్రదేశ్‌లో 34 స్టేషన్లకు రూ.613కోట్లు అదే విధంగా మహారాష్ట్రలో 6 స్టేషన్లకు రూ.63కోట్లు, కర్ణాటకలో 2 స్టేషన్లకు రూ.18.5కోట్లు ఖర్చుచేసి ప్రయాణికులకు సౌకర్యాలు మెరుగుపరచనున్నారు.

తిరుమలలో నేడు పౌర్ణమి గరుడసేవ

తిరుమలలో నేడు పౌర్ణమి గరుడసేవ

AP: తిరుమలలో నేడు(శనివారం) పౌర్ణమి గరుడసేవ జరగనుంది. ప్రతి నెలా పౌర్ణమిరోజున శ్రీవారి ఆలయ నాలుగు మాడవీధుల్లో గరుడసేవను టీటీడీ నిర్వహిస్తున్న విషయం తెలిసిందే. ఇందులో భాగంగా శనివారం రాత్రి ఏడు నుంచి తొమ్మిది గంటల మధ్య సర్వాలంకార భూషితుడైన మలయప్పస్వామి గరుడునిపై కొలువుదీరి భక్తులకు దర్శనమివ్వనున్నారు.

వివాదాలకు తావులేకుండా ఓట్ల లెక్కింపు కేంద్రాలు

వివాదాలకు తావులేకుండా ఓట్ల లెక్కింపు కేంద్రాలు

AP: వివాదాలకు తావులేకుండా ఓట్ల లెక్కింపు కేంద్రాలు ఏర్పాటు చేయాలని రాష్ట్ర ప్రధాన ఎన్నికల అధికారి ముకేశ్‌ కుమార్‌ మీనా జిల్లా ఎన్నికల అధికారులను ఆదేశించారు. గుర్తింపు పొందిన రాజకీయ పార్టీల అభిప్రాయాలను పరిగణనలోకి తీసుకోవాలని సూచించారు. రాష్ట్ర సచివాలయంలో అన్ని జిల్లాల ఎన్నికల అధికారులతో వీడియో కాన్ఫరెన్స్‌ నిర్వహించారు. ఎన్నికల నిర్వహణ ఏర్పాట్లు, ఓటర్ల నమోదు, తొలగింపు పారదర్శకంగా జరగాలన్నారు.

చేవెళ్ల నుంచే పథకం ప్రారంభం?

చేవెళ్ల నుంచే పథకం ప్రారంభం?

TG : మహాలక్ష్మి పథకంలో భాగంగా రూ.500కే గ్యాస్‌ సిలిండర్‌ పథకానికి రంగారెడ్డి జిల్లా చేవెళ్ల నుంచే శ్రీకారం చుట్టనున్నట్లు సమాచారం. గతంలో కాంగ్రెస్‌ ప్రభుత్వం అధికారంలో ఉన్నప్పుడు అనేక సంక్షేమ కార్యక్రమాలను ఇక్కడి నుంచే ప్రారంభించేవారు. ఈ కార్యక్రమానికి కాంగ్రెస్‌ అగ్ర నాయకురాలు ప్రియాంకా గాంధీ హాజరవనున్నట్లు సమాచారం. 27న సాయంత్రం బహిరంగ సభ జరిగే అవకాశం ఉన్నట్లు కాంగ్రెస్‌ వర్గాలు తెలిపాయి.

నామినేషన్ డిపాజిట్@రూ.25 వేలు

నామినేషన్ డిపాజిట్@రూ.25 వేలు

లోక్‌సభకు త్వరలో ఎన్నికలు జరుగనుండటంతో అభ్యర్థుల వ్యయపరిమితిని కేంద్ర ఎన్నికల సంఘం(సీఈసీ) ఖరారు చేసింది. ఒక్కోఅభ్యర్థి గరిష్ఠంగా రూ.95 లక్షలు ఖర్చు చేయవచ్చని తెలిపింది. ప్రచారంలో రాజకీయ పార్టీలకు అనుమతి ఇచ్చే వాహనాల సంఖ్యను 5 నుంచి 14కు పెంచింది. నామినేషన్‌ దాఖలుకు ఎస్సీ, ఎస్టీ అభ్యర్థులు రూ.12,500, ఇతర అభ్యర్థులు రూ.25 వేల చొప్పున డిపాజిట్‌ చెల్లించాల్సి ఉంటుందని తెలిపింది.

మంగళగిరి ఎయిమ్స్‌లో క్యాన్సర్‌కు చికిత్స : CEO

మంగళగిరి ఎయిమ్స్‌లో క్యాన్సర్‌కు చికిత్స : CEO

AP : క్యాన్సర్‌ వ్యాధికి సంబంధించిన అన్ని రకాల చికిత్సలు గుంటూరు జిల్లా మంగళగిరి ఎయిమ్స్‌‌లో అందుబాటులో ఉన్నాయని, ఇతర అరుదైన వ్యాధులకూ వైద్యం అందిస్తున్నామని ఎయిమ్స్‌ డైరెక్టర్‌, CEO డాక్టర్‌ మాదబానంద్‌కర్‌ వెల్లడించారు. ఈ నెల 25న ప్రధాని మోదీ వర్చువల్‌ విధానంలో మంగళగిరి ఎయిమ్స్‌ను జాతికి అంకితం చేయడంతోపాటు 9 క్రిటికల్‌ కేర్‌ బ్లాకులకు శంకుస్థాపన చేస్తారన్నారు.

నేడు అమ్మవార్ల వన ప్రవేశం

నేడు అమ్మవార్ల వన ప్రవేశం

TG: మేడారం సమ్మక్క- సారలమ్మల జాతర తుదిఘట్టానికి చేరింది. నేడు(శనివారం) సమ్మక్క సారలమ్మ, పగిడిద్దరాజు, గోవిందరాజులను గద్దెలపై నుంచి ఆదివాసీ పూజారులు వారి వారి ఆలయాలకు తీసుకెళ్లనున్నారు. సమ్మక్క ప్రతిరూపమైన కుంకుమభరిణెతో సాయంత్రం సూర్యాస్తమయం తర్వాత పూజారులు వన ప్రవేశం చేయడంతో జాతర ముగియనుంది. శనివారం పౌర్ణమి కావడం…జాతర తుదిఘట్టానికి చేరనుండడంతో భక్తులు భారీ సంఖ్యలో వస్తారని అంచనావేస్తున్నారు.

కోటి ఉంటేనే కోరుకున్న ఇల్లు

కోటి ఉంటేనే కోరుకున్న ఇల్లు

HYD: నగరంలో ఖరీదైన ఇళ్లవిక్రయాల జోరు కొనసాగుతోంది. గత ఏడాదితో పోలిస్తే ఈ ఏడాది ఆరంభంలో వీటి రిజిస్ట్రేషన్లు మరింత పెరిగాయి. రూ.కోటి అంతకంటే ఎక్కువ విలువైన గృహాలవాటా 2023లో 8% ఉంటే.. ఈ ఏడాది ఆరంభంలో ఏకంగా 14%కి పెరిగింది. స్థిరాస్తి ధరలు పెరగడమే కారణమని మార్కెట్‌వర్గాలు అంటున్నాయి. గేటెడ్‌ కమ్యూనిటీలో రెండు పడకగదుల ఫ్లాట్‌ కొనుగోలు చేయాలంటే కోటిరూపాయలు ఉండాల్సిందే.

గ్యాస్‌ రాయితీ..నగదు బదిలీనే

గ్యాస్‌ రాయితీ..నగదు బదిలీనే

HYD: గ్యాస్‌ రాయితీ లబ్ధిదారులకు ‘నగదు బదిలీ’ విధానాన్నే అమలు చేయాలని పౌరసరఫరాలశాఖ తాజాగా నిర్ణయించింది. ఈ విధానం ప్రకారం లబ్ధిదారులు గ్యాస్‌ సిలిండర్‌ తీసుకునేటప్పుడు మొత్తంధర చెల్లించాలి. ప్రస్తుతం సిలిండర్‌ ధర రూ.955గా ఉంది. మహాలక్ష్మి పథకంలో అర్హులకు రూ.500కే గ్యాస్‌ సిలిండర్‌ ఇస్తామని ప్రకటించిన రాష్ట్ర ప్రభుత్వం మిగతా మొత్తాన్ని సబ్సిడీ రూపంలో లబ్ధిదారుల బ్యాంకుఖాతాలో బదిలీ చేయాలని నిర్ణయించింది.