TG: కొమురవెల్లి మల్లికార్జున కళ్యాణం, జాతరపై అధికారులతో మంత్రి సమీక్ష నిర్వహించారు. డిసెంబర్ 29న కొమురవెల్లి మల్లికార్జున స్వామి కళ్యాణం నిర్వహించనున్నట్లు మంత్రి వెల్లడించారు. జనవరి 19 నుంచి మార్చి 24 వరకు జరిగే జాతరకు అన్ని ఏర్పాట్లు చేయాలన్నారు. రూ.46 కోట్లతో జరుగుతున్న ఆలయ అభివృద్ధి పనులను వేగవంతం చేయాలన్నారు. త్వరలో CM రేవంత్‌ను కలిసి స్వామి కళ్యాణోత్సవానికి ఆహ్వానించనున్నట్లు ఆమె తెలిపారు.
ఢిల్లీలోని జవహర్‌లాల్ నెహ్రూ యూనివర్శిటీలో ‘ది సబర్మతి రిపోర్ట్’ సినిమా ప్రదర్శన సందర్భంగా గందరగోళం నెలకొంది. ఏబీవీవీ ఆధ్వర్యంలో ఈ సినిమాను ప్రదర్శిస్తుండగా పలువురు గుర్తు తెలియని వ్యక్తులు స్క్రీన్‌పై రాళ్లదాడి చేశారు. యూనివర్సిటీలో వేసిన సినిమా పోస్టర్లను సైతం పలువురు చించి వేసినట్టు తెలుస్తోంది. ఈ దాడిలో పలువురు స్టూడెంట్స్‌కు గాయాలైనట్టు ఏబీవీపీ విభాగం అధ్యక్షుడు రాజేశ్వర్ కాంత్ దూబే తెలిపారు.
గోవాకు చెందిన ఓ వైద్యుడి కుటుంబంలో విషాదం చోటుచేసుకుంది. స్థానికంగా నిర్వహించిన ఓ మారథాన్‌లో దంత వైద్యుడు మిథున్‌ కుడాల్కర్‌ (39) పాల్గొన్న కొన్ని గంటలకే తీవ్ర అస్వస్థతకు గురయ్యాడు. ఆస్పత్రికి తరలించగా అప్పటికే మరణించినట్లు వైద్యులు ధ్రువీకరించారు. గుండెపోటుతో మృతి చెందినట్లు బాధితుడి కుటుంబ సభ్యులు వెల్లడించారు.
జిల్లా ADD వీడియో
శివాలయ ప్రదక్షిణానికీ నియమాలున్నాయ్..!
రీల్స్‌ కోసం పోజు ఇచ్చిన ఓ చైనా యువతి.. రైలు నుంచి పడిపోయిన ఘటన శ్రీలంకలో చోటుచేసుకుంది. రైల్లో ప్రయాణిస్తూ.. బోగి తలుపు వద్ద ప్రమాదకరంగా నిలబడి వీడియోకు పోజులిచ్చింది. ఈ క్రమంలో చెట్ల కొమ్మలు తగిలి రైల్లోంచి పడిపోయింది. కాసేపటికి ఘటనా స్థలానికి వచ్చిన ఆమె స్నేహితులు ఆస్పత్రికి తరలించారు. యువతి స్వల్పగాయాలతో బయటపడినట్లు స్థానిక పోలీసులు వెల్లడించారు.
ప్రపంచ ప్రఖ్యాత టైమ్ మేగజైన్ ఈ ఏడాది మేటి వ్యక్తిగా అమెరికా కాబోయే అధ్యక్షుడు డొనాల్డ్ ట్రంప్‌ను ఎంపిక చేసింది. పర్సన్ ఆఫ్ ద ఇయర్-2024గా ట్రంప్ పేరును ప్రకటించింది. అమెరికా అధ్యక్షుడిగా ట్రంప్ రెండోసారి ఎన్నికవడాన్ని టైమ్ ఘనంగా ప్రస్తావించింది. అమెరికా చరిత్రలోనే ఇది అసమాన ఘట్టం అని అభివర్ణించింది. ఈ విశిష్ట గుర్తింపునకు ట్రంప్ ఎంపికవడం ఇది రెండోసారి.
దక్షిణ టెక్సాస్‌లో షాకింగ్ ఘటన వెలుగు చూసింది. తేలికపాటి విమానం ఒకటి హైవేపై
ప్రముఖ టెలికాం సంస్థ ఎయిర్టెల్ యూజర్లను ఆకట్టుకోవడంలో భాగంగా కొత్తప్లాన్‌ను తీసుకొచ్చింది. ఓటీటీ ప్లాట్‌ఫామ్‌లకు ఆదరణ పెరుగుతున్న నేపథ్యంతో..ఆ తరహా సేవల్ని అందించేలా కొత్త ప్లాన్‌లను ప్రవేశపెడుతోంది. తాజాగా ప్రీపెయిడ్‌ యూజర్ల కోసం డిస్నీ+హాట్‌స్టార్‌ సబ్‌స్క్రిప్షన్‌తో మరో ప్లాన్‌ పరిచయం చేసింది. ఎయిర్టెల్ కొత్త ప్లాన్‌ ధర రూ.398 అన్‌లిమిటెడ్ కాల్స్‌,రోజుకు 2జీబీ డేటా,100 ఎస్సెమ్మెస్‌లు, డిస్నీ+హాట్‌స్టార్‌ సబ్‌స్క్రిప్షన్‌తో ఈ ప్లాన్‌ వస్తోంది.
ప్రపంచ చెస్ ఛాంపియన్‌షిప్ విజేతగా నిలిచిన గుకేశ్ దొమ్మరాజుకు ఏపీ డిప్యూటీ సీఎం పవన్‌కల్యాణ్ హృదయపూర్వక అభినందనలు తెలిపారు. చెస్ ఛాంపియన్‌గా నిలిచిన పిన్న వయస్కుడిగా గుకేశ్ చరిత్ర సృష్టించడం భారతీయులందరికీ గర్వకారణమన్నారు. ప్రఖ్యాత చెస్ క్రీడాకారుడు విశ్వనాథన్ ఆనంద్ తరవాత గుకేశ్ ఛాంపియన్‌గా నిలవడం చదరంగ అభిమానులకు ఎంతో సంతోషాన్ని ఇస్తుందన్నారు. భవిష్యత్తులో గుకేశ్ మరిన్ని విజయాలు సాధించాలని పవన్‌కల్యాణ్ ఆకాంక్షించారు.
'టేస్అట్లాస్' ప్రపంచంలోనే 100 అత్యుత్తమ ఆహార నగరాల జాబితాను విడుదల చేయగా, అందులో ముంబై 5వ ర్యాంకును సాధించింది. ఈ జాబితాలో ఇతర భారతీయ నగరాలు అమృత్సర్ (43వ స్థానం), న్యూఢిల్లీ (45వస్థానం), హైదరాబాద్ (50వస్థానం), కోల్‌కత్తా (71వ స్థానం), చెన్నై (75వ స్థానం)చోటు దక్కించుకున్నాయి. ఇటాలియన్ నగరాలైన నేపుల్స్, మిలన్, బోలోగ్నా, ఫ్లోరెన్స్ ఈ లిస్ట్‌లో తొలి నాలుగు స్థానాల్లో నిలిచాయి.
హరారేలో జింబాబ్వేతో జరిగిన తొలి టీ20లో ఆఫ్ఘానిస్థాన్ ఫాస్ట్ బౌలర్ నవీన్ ఉల్ హక్ ఓ ఓవర్లో 13 బంతులు వేశాడు. జింబాబ్వే ఇన్నింగ్స్ లోని 14వ ఓవర్లో నవీన్ 6 లీగల్ డెలివరీలు కాకుండా 6 వైడ్లు, ఒక నోబాల్ బౌలింగ్ చేశాడు. మొత్తంగా ఆ ఓవర్లో 19 పరుగులు ఇచ్చాడు. ఈ ఓవర్ కాకుండా మరో మూడుఓవర్లు వేసిన నవీన్‌ఉల్‌హక్, 14 పరుగులు ఇచ్చాడు.
AP: కూటమి పార్టీల సారథ్యంలోని చంద్రబాబు అర్ధ సంవత్సర పాలన పూర్తిగా "అర్ధ రహితం" అని రాష్ట్ర కాంగ్రెస్ అధ్యక్షురాలు వైఎస్ షర్మిల అన్నారు. 6 నెలల్లో ఇచ్చిన 6 సూపర్ హామీలకు దిక్కులేదని, మ్యానిఫెస్టోలో పెట్టిన 60 హామీలు పత్తాకు లేవని విమర్శించారు. మూడు సిలిండర్లలో ఈ ఏడాది సింగిల్ సిలిండర్‌తో మమ అనిపించారని, 3 వేల నిరుద్యోగ భృతి ఊసే లేకుండా చేశారన్నారు.
ప్రముఖ ఫుడ్ డెలివరీ ప్లాట్ఫామ్ జొమాటోకు డెలివరీ ఛార్జీలపై జీఎస్టీ చెల్లించలేదనే కారణంగా జీఎస్టీ డిమాండ్ నోటీసులిచ్చారు. 2019, అక్టోబర్ 29 నుంచి 2022, మార్చి 31 వరకు చెల్లించని బకాయిల ఆధారంగా రూ. 803.4 కోట్ల భారీ పన్ను నోటీసులను ఇచ్చింది. ఇందులో రూ. 401.7 కోట్ల పన్నులు ఉండగా, మిగిలిన మొత్తం దానికి పెనాల్టీ, వడ్డీ విధించినట్టు జీఎస్టీ అధికారులు వెల్లడించారు.
ఒలింపిక్స్ క్రీడ‌ల్లో మ‌ళ్లీ క్రికెట్‌కు చోటు ఇవ్వ‌నున్నారు. 2028లో జరిగే లాస్ ఏంజిల్స్ క్రీడ‌ల్లో క్రికెట్ ఆడ‌నున్నారు. అయితే 2032లో బ్రిస్బేన్‌లో జరిగే ఒలింపిక్స్‌లో.. క్రికెట్‌కు అవకాశం క‌ల్పించే అంశంపై ఇవాళ చర్చ జరిగింది. కొత్త‌గా నియ‌మితుడైన ఐసీసీ చైర్మెన్ జే షా ఆ మీటింగ్‌లో పాల్గొన్నారు. బ్రిస్బేన్ ఒలింపిక్స్ ఆర్గ‌నైజింగ్ కమిటీ స‌భ్యుల‌తో ఆయన మాట్లాడారు.
దేశంలో వన్ నేషన్- వన్ ఎలక్షన్‌కు కేంద్ర కేబినెట్ గురువారం ఆమోదం తెలిపింది. దీంతో కాంగ్రెస్ సహా ఇండియా కూటమిలోని ప్రధానపార్టీలు కేంద్రంనిర్ణయాన్ని తీవ్రంగా తప్పుబట్టాయి. కాంగ్రెస్ ఎంపీ జైరాంరమేష్ మాట్లాడుతూ.. ‘ఇప్పటికే కాంగ్రెస్ జమిలిపై నిర్ణయం స్పష్టం చేసింది. మొదటినుంచి ఈనిర్ణయాన్ని తాము వ్యతిరేకిస్తూ వస్తున్నాం. బలమైన ప్రజాస్వామ్యం కోసం, ఈనిర్ణయాన్ని విరమించుకోవాలని, హైపవర్ కమిటీ రద్దు చేయాలి’ అని అన్నారు.
TG: యాదగిరిగుట్ట లక్ష్మినరసింహ స్వామి ఆలయంలో ఈనెల 16 నుంచి జనవరి 14వ తేదీ వరకు ధనుర్మాస ఉత్సవాలను వైభవంగా నిర్వహించేందుకు ఏర్పాట్లు చేస్తున్నట్లు ఆలయ కార్యనిర్వహణాధికారి వివరించారు. ప్రతిరోజు ఉదయం 3.30 గంటలకు ఆలయాన్ని తెరిచి, ఉదయం 4 గంటల వరకు సుప్రభాతం, 4 నుంచి 5 వరకు తిరువారాధన, బాలభోగం,ఆరగింపు, ఉదయం 5.45 వరకు తిరుప్పావై సేవాకాలం, తీర్థ ప్రసాదాల గోష్టిని నిర్వహిస్తామన్నారు.
తమిళనాడులో ఘోర
గుకేశ్ విజయం ఈ దేశ యువతకు స్ఫూర్తి అని కేంద్రమంత్రి కిషన్‌రెడ్డి అన్నారు. దీనిపై ఆయన ట్విట్టర్ వేదికగా స్పందిస్తూ.. వరల్డ్ చెస్ ఛాంపియన్ గుకేశ్ దొమ్మరాజుకి హృదయపూర్వక శుభాకాంక్షలు తెలిపారు. అలాగే అతిచిన్న వయసులో ప్రపంచచాంపియన్‌గా అవతరించి సరికొత్త రికార్డును మీ పేర రాసుకోవడం.. యావత్ భారతానికి గర్వకారణమని అన్నారు.
AP: వైసీపీ మాజీ మంత్రి పేర్ని నాని కుటుంబసభ్యులు అజ్ఞాతంలోకి వెళ్లారు. సివిల్ సప్లై గోదాంలో బియ్యం ఆవకతవకలపై ప్రధాన నిందితురాలిగా పేర్ని నాని సతీమణి జయసుధ, ఆయన పీఏలపై పోలీసులు కేసు నమోదు చేశారు. ఈ క్రమంలో మచిలీపట్నం జిల్లా కోర్టులో జయసుధ ముందస్తు బెయిల్ పిటిషన్ దాఖలు చేశారు. దీంతో రెండు రోజుల నుంచి పేర్ని నాని అందుబాటులో లేకుండాపోయారు.
AP: తిరుమలలో చక్రతీర్థ ముక్కోటిని గురువారం ఘనంగా నిర్వహించారు. ప్రతి ఏడాదీ కార్తీక మాసంలో చక్రతీర్థ ముక్కోటి నిర్వహించడం ఆనవాయితీగా వస్తోందని ఆలయ అర్చకులు తెలిపారు. శ్రీవారి ఆలయ అర్చకులు, పరిచారకులు, భక్తులు మంగళవాయిద్యాల నడుమ ఆలయం నుంచి ఊరేగింపుగా చక్రతీర్థానికి చేరుకుని చక్రత్తాళ్వారు, నరసింహస్వామి, ఆంజనేయ స్వామివారికి అభిషేకం, పుష్పాలంకారం చేపట్టి హార‌తి ఇచ్చారు.
తెలంగాణలో డిసెంబరు నెలాఖరులోగా కేబినెట్ విస్తరణ ఉంటుందని మంత్రి పొంగులేటి శ్రీనివాస్‌రెడ్డి తెలిపారు. రాష్ట్ర వ్యాప్తంగా 2.32 లక్షల ఇళ్ల దరఖాస్తులకు సర్వే పూర్తి చేసినట్లు చెప్పారు. ప్రజాపాలనలో దరఖాస్తు చేయని వారు ఇప్పటికైనా చేసుకోవాలని సూచించారు. సంక్రాంతి లోపు వీఆర్‌వో వ్యవస్థ తీసుకొస్తామని పేర్కొన్నారు. గత ప్రభుత్వ తప్పులే హాస్టళ్లలో ఫుడ్ పాయిజన్‌కు కారణమని వెల్లడించారు.
ప్రపంచ చెస్ ఛాంపియన్ గుకేశ్‌కు వైసీపీ అధ్యక్షుడు వైఎస్ జగన్ ట్విట్టర్ (X) వేదికగా శుభాకాంక్షలు తెలిపారు. ‘‘18 ఏళ్ల వయసులోనే గుకేశ్ ప్రపంచ చెస్ ఛాంపియన్‌గా చరిత్రకెక్కారు. గుకేశ్ తెలుగు రాష్ట్రానికి చెందినవాడు కావటం మనందరికీ గర్వకారణం. ఎంతో మంది యువకులకు ఆయన స్ఫూర్తిగా నిలిచారు. భవిష్యత్తులో కూడా గుకేశ్ మరిన్ని విజయాలు సాధించాలని కోరుకుంటున్నా’’ అంటూ జగన్ ట్వీట్‌ చేశారు.
బంగాళా ఖాతంలో ఏర్పడిన అల్ప పీడనం కారణంగా కేరళలో ఇవాళ భారీ వర్షాలు కురిశాయి. 24 గంటల్లోనే రాష్ట్రంలోని పలు ప్రాంతాల్లో 20 సెంటీమీటర్ల కంటే ఎక్కువ వర్షాపాతం నమోదైంది. దీంతో భారత వాతావరణ శాఖ రాష్ట్రంలోని పతనంతిట్ట, ఎర్నాకులం, ఇడుక్కి జిల్లాలకు రెడ్ అలర్ట్ జారీ చేసింది. అలాగే తిరువనంతపురం, కొల్లాం, అలప్పుజా, కొట్టాయం, త్రిస్సూర్‌లో ఆరెంజ్ అలర్ట్ ప్రకటించింది.
TG: సంగారెడ్డి సెంట్రల్‌ జైలులో రైతు హీర్యానాయక్‌కు బేడీలు వేసిన ఘటనపై ఉన్నతాధికారుల విచారణ ముగిసింది. వికారాబాద్‌, సంగారెడ్డి జిల్లాల ఎస్పీలతో కలిసి ఐజీ సత్యనారాయణ 4 గంటలపాటు జైలు సిబ్బందిని విచారించారు. హీర్యానాయక్‌ లగచర్లలో అరెస్టయితే బాలానగర్ కేసులో అరెస్టయినట్లు జైలు రికార్డుల్లో గుర్తించామన్నారు. ఈ ఘటనలో నిర్లక్ష్యంగా వ్యవహరించిన సంగారెడ్డి జైలర్ సంజీవరెడ్డిని జైళ్లశాఖ డీజీ సౌమ్యమిశ్రా సస్పెండ్ చేశారు.
పెరుగుతున్న టెక్నాలజీతో ముప్పు కూడా పొంచి ఉందని చెప్పేందుకు ఈ సంఘటనే ఓ ఉదాహరణ.‘మొబైల్‌ స్క్రీన్‌‌టైమ్‌’ తగ్గించమని చెప్పిన తల్లిదండ్రుల్ని చంపేయడం సమంజసమే’అని ఓ చాట్‌బాట్‌ 17 ఏళ్ల కుర్రాడికి సలహా ఇచ్చిందట. ఈ వ్యవహారం అమెరికాలోని టెక్సాస్‌లో వెలుగుచూసింది. విషయం తెలుసుకున్న అతడి తల్లిదండ్రులు కోర్టును ఆశ్రయించారు. చిన్నారుల్లో క్రూరమైన ఆలోచనలకు బీజం వేస్తున్న AI-చాట్‌బాట్‌ సంస్థను తక్షణమే నిషేధించాలని కోరారు.
TG: న్యూఇయర్‌ సందర్భంగా హైదరాబాద్ పరిధిలో హోటళ్లు, పబ్బులు, రెస్టారంట్లు, ఈవెంట్ల నిర్వాహకులు పాటించాల్సిన నిబంధనలను సీపీ సీవీ ఆనంద్ వెల్లడించారు. ‘‘రాత్రి ఒంటిగంట వరకు వేడుకలు నిర్వహించేవారికి అనుమతి తప్పనిసరి. ఈవెంట్ల నిర్వాహకులు 15రోజులు ముందుగానే అనుమతి తీసుకోవాలి. ఈవెంట్లు నిర్వహించే ప్రదేశాల్లో సీసీకెమెరాలు ఉండాలి. బహిరంగప్రదేశాల్లో 10 గంటల్లోగా డీజే ఆపేయాలి. కపుల్స్‌ ఈవెంట్లు, బార్లు,పబ్బుల్లో మైనర్లకు అనుమతి లేదు’’అని తెలిపారు.
అనిల్‌రావిపూడి తెరకెక్కిస్తున్న ‘సంక్రాంతికి వస్తున్నాం’ మూవీ నుంచి వెంకటేష్ బర్త్‌డే స్పెషల్ పోస్టర్ రిలీజ్ చేశారు. డైనమిక్ అండ్ స్టైలిష్ అవతార్‌లో వెంకీ లుక్ అదిరిపోయింది.
రేపు హీరో వెంకటేశ్ బర్త్‌డే సందర్భంగా ఆయన CDPని నటుడు రానా రిలీజ్ చేశారు. వెంకీ కొత్త మూవీ, వింటేజ్ లుక్‌తో ఉన్న ఫొటోలను ఇందులో పొందుపరిచారు.
TG: అనారోగ్యంతో ఆస్పత్రి పాలైన మంచు మోహన్ బాబు పూర్తిగా కోలుకున్నారు. గురువారం ఆయనను డిశ్చార్జ్ చేయడంతో జల్‌ప‌ల్లిలోని నివాసానికి వెళ్లిపోయారు. అయితే బీఎన్‌ఎస్ యాక్ట్‌ 109 సెక్షన్‌ కింద మోహన్ బాబుపై హత్యాయత్నం కేసును నమోదు చేశారు. ఈ కేసు విషయంలో పోలీసులు చర్యలు తీసుకోవాలనుంటే ఆయనను అరెస్ట్‌ చేసే అవకాశం ఉన్నట్లు తెలుస్తోంది.
దేశవ్యాప్తంగా డిసెంబర్ 22వ తేదీన ఆల్ ఇండియా బార్ ఎగ్జామినేషన్ (ఏఐబీఈ)ను నిర్వహించనున్నారు. ఇందుకు సంబంధించిన హాల్ టికెట్లు డిసెంబర్ 15వ తేదీ నుంచి అందుబాటులోకి రానున్నాయి. తెలంగాణలో హైదరాబాద్ సెంటర్ గా ఉంది. ఏపీలో తిరుపతి, విజయవాడ, విశాఖపట్నం కేంద్రాలు ఉన్నాయి. https://allindiabarexamination.comలో హల్ టికెట్లు డౌన్లోడ్ చేసుకోవాల్సి ఉంటుంది.
తన స్నేహితుడిని పెళ్లి చేసుకున్న హీరోయిన్ కీర్తి సురేశ్‌కు విషెస్ తెలుపుతూ ఇన్‌స్టాలో సమంత స్పెషల్ పోస్ట్ చేసింది. కీర్తి పెళ్లి ఫొటోను షేర్ చేస్తూ..‘ ‘అందమైన ఈ జంటకు నా హృదయపూర్వక శుభాకాంక్షలు. మీ జోడీ ఎల్లప్పుడూ ప్రేమ, సంతోషంతో ఉండాలి’’ అని రాసుకొచ్చింది.
ఢిల్లీ అసెంబ్లీ ఎన్నికల్లో కాంగ్రెస్ ఒంటరిగానే పోటీకి దిగనున్న సంగతి తెలిసిందే. ఈ నేపథ్యంలో 21 మంది అభ్యర్థులతో కాంగ్రెస్ తొలి జాబితా విడుదల చేసింది.
ఏపీలో భారీ వర్షాల నేపథ్యంలో స్కూళ్లకు అధికారులు సెలవులు ప్రకటించారు. అన్నమయ్య జిల్లాలోని అన్ని ప్రభుత్వ, ప్రైవేట్ విద్యా సంస్థలు, అంగన్వాడీ కేంద్రాలకు రేపు (శుక్రవారం) సెలవు ప్రకటిస్తున్న‌ట్లు అధికారులు ప్రకటించారు. ఇక‌పోతే శుక్రవారం రాష్ట్రంలో భారీ వర్షాలు ప‌డే అవకాశం ఉందని ఏపీ వాతావరణ శాఖ ఇప్పటికే ప్ర‌క‌టించిన విషయం తెలిసిందే.
సాయి దుర్గా తేజ్ హీరోగా రోహిత్‌ కేపీ డైరెక్షన్‌లో ఓ మూవీ తెరకెక్కుతున్న విషయం తెలిసిందే. తాజాగా ఈ సినిమా టైటిల్‌ను మేక‌ర్స్ రివీల్ చేశారు. ‘SYG: సంబరాల ఏటిగట్టు’ అని టైటిల్ ఫిక్స్ చేశారు. ఈ సినిమాను 2025 సెప్టెంబర్ 25న ప్రపంచవ్యాప్తంగా విడుదల చేయనున్నట్లు వెల్లడించారు. ఈ మేరకు ఆసక్తిరేపే పోస్టర్,గ్లింప్స్‌ను రిలీజ్ చేశారు.
ఈనెల 14 నుండి హైదరాబాద్ నగరంలో ప్రారంభం కానున్న సంతోష్ ట్రోఫీని పురస్కరించుకుని రూపొందించిన పోస్టర్‌ను ముఖ్యమంత్రి రేవంత్ రెడ్డి న్యూఢిల్లీలోని తన నివాసంలో ఆవిష్కరించారు. అనంతరం ముఖ్యమంత్రి మాట్లాడుతూ.. 57 సంవత్సరాల తర్వాత హైదరాబాద్ నగరం చారిత్రాత్మకమైన ఫుట్ బాల్ క్రీడా ప్రతిష్టాత్మక టోర్నీ సంతోష్ ట్రోఫీకి ఆతిథ్యం ఇవ్వడం సంతోషంగా ఉందని తెలిపారు.
పెంపుడు జంతువులుగా ఎవరైనా కుక్కలు, పిల్లులను పెంచుకుంటారు. కొంచెం భిన్నంగా అనకొండను పెంచుకుంటే ఎలా ఉంటుంది?.. వినడానికే షాకింగ్‌గా ఉంది కదూ!. ఓ వ్యక్తి మాత్రం దీనిని నిజం చేసి చూపించాడు. ఓ భారీ కొండచిలువను పెంచుకుంటున్నాడు. తాజాగా దీనికి సంబంధించిన ఓ
తెలంగాణకు కేంద్రీయ విద్యాల‌యాలు కేటాయించాల‌ని కేంద్ర విద్యా శాఖ మంత్రి ధ‌ర్మేంద్ర ప్ర‌ధాన్‌కు ముఖ్యమంత్రి రేవంత్ రెడ్డి విజ్ఞ‌ప్తి చేశారు. ఇటీవ‌ల రాష్ట్రానికి ఏడు నవోదయ విద్యాల‌యాలు కేటాయించినందుకు కేంద్ర మంత్రికి కృత‌జ్ఞ‌తలు తెలిపారు. అదే స‌మ‌యంలో రాష్ట్రానికి ఒక్క కేంద్రీయ విద్యాల‌యం కూడా కేటాయించ‌లేద‌ని, కేంద్రీయ విద్యాల‌యాల‌తో పాటు నవోదయ పాఠ‌శాల‌లు లేని జిల్లాలకు వాటిని కేటాయించాల‌ని సీఎం కోరారు.
తెలంగాణ రాష్ట్రంలో రూ. 1.63 లక్షల కోట్ల విలువైన అభివృద్ధి ప‌నుల‌కు కేంద్ర ప్ర‌భుత్వం మద్దతు ఇచ్చేందుకు కృషి చేయాల‌ని కేంద్ర మంత్రి కిష‌న్ రెడ్డికి సీఎం రేవంత్ రెడ్డి విజ్ఞ‌ప్తి చేశారు. ప్రాంతీయ రింగు రోడ్డు, హైదరాబాద్ మెట్రో ఫేజ్2తోపాటు హైదరాబాద్, వ‌రంగ‌ల్‌ల్లో అండ‌ర్‌గ్రౌండ్ డ్రైనేజీ ప్లాన్‌… సింగ‌రేణిసంస్థ‌కు బొగ్గు గ‌నుల కేటాయింపు సహా పలు అంశాల‌పై కేంద్ర మంత్రితో ముఖ్యమంత్రి చ‌ర్చించారు.
మావోయిస్టులకు ఆయుధాలు, పేలుడు పదార్థాలు సరఫరా చేస్తున్న కేసులో ఎన్‌ఐఏ సోదాలు నిర్వహించింది. ఆంధ్రప్రదేశ్‌, ఛత్తీస్‌గఢ్‌, ఒడిశాలో సోదాలు నిర్వహించింది. ఏపీలోని చింతూరులో సోదాలు నిర్వహించారు. కొన్ని డిజిటల్‌ పరికరాలు, పత్రాలను జాతీయ దర్యాప్తు సంస్థ స్వాధీనం చేసుకుంది. ఈ కేసులో సంబంధం ఉన్న ఏడుగురు నిందితుల ఇళ్లలో సోదాలు చేశారు. ఇప్పటికే ఈ వ్యవహారానికి సంబంధించి ఎన్‌ఐఏ ఇద్దరిని అరెస్టు చేసింది.
బుల్లితెర ప్రేక్ష‌కుల ఫేవ‌రేట్ షో బిగ్‌బాస్ తెలుగు సీజన్ 8 చివరి దశకు చేరుకున్న విషయం తెలిసిందే.డిసెంబర్ 15న గ్రాండ్ ఫినాలే నిర్వహించి టైటిల్ విన్నర్ ఎవరో ప్రకటించ‌నున్నారు. అయితే ఈ ట్రోఫీ అందించ‌డానికి టాలీవుడ్ నుంచి స్టార్ హీరో రాబోతున్న‌ట్లు తెలుస్తుంది. బిగ్‌బాస్ సీజన్ 8 ఫినాలేకి ముఖ్య అతిథిగా అల్లు అర్జున్‌ హాజ‌రుకాబోతున్న‌ట్లు సమాచారం. దీనిపై అధికారిక ప్రకటన రావాల్సివుంది.
ఈ నెల 13, 14వ తేదీల్లో లోక్‌సభలో రాజ్యాంగంపై ప్రత్యేక చర్చ జరపనున్న విషయం తెలిసిందే. శుక్రవారం మధ్యాహ్నం 12 గంటలకు రక్షణశాఖ మంత్రి రాజ్‌నాథ్ సింగ్‌ చర్చను ప్రారంభించనున్నారు. శనివారం సాయంత్రం ఐదు గంటలకు చర్చ ముగియనుంది. జమిలి ఎన్నికల బిల్లులో చేయాల్సిన రాజ్యాంగ సవరణలపై చర్చ చేపట్టే అవకాశం ఉన్నట్లు సమాచారం.
ఆర్ఆర్ఆర్ ఉత్త‌ర భాగానికి (159 కి.మీ.) అవ‌స‌ర‌మైన ఆర్థిక‌ప‌ర‌మైన అనుమతులు వెంట‌నే ఇవ్వాల‌ని కేంద్రమంత్రి నితిన్ గ‌డ్క‌రీకి సీఎం రేవంత్ విజ్ఞ‌ప్తి చేశారు. అలాగే శ్రీ‌శైలంను హైదరాబాద్‌తో అనుసంధానించే ఎన్‌హెచ్‌-765లో 125కిలోమీటర్ల దూరం జాతీయ ర‌హ‌దారుల ప్ర‌మాణాలతో ఉందని, మిగిలిన 62 కిలోమీట‌ర్లు ఆమ్రాబాద్ అట‌వీ ప్రాంతంలో ఉందని తెలిపారు. ఎలివేటెడ్ కారిడార్ నిర్మిస్తే హైదరాబాద్-ప్ర‌కాశం మధ్య 45కిలోమీటర్ల దూరం తగ్గుతుందని సూచించారు.
రామ్ చరణ్, శంకర్ కాంబినేషన్‌లో రాబోతున్న తాజా చిత్రం ‘గేమ్ చేంజర్’.ఇందులో కియారా అద్వానీ, అంజలి హీరోయిన్స్. ఈ మూవీ 2025 జనవరి 10న గ్రాండ్‌గా థియేటర్స్‌లో విడుదల కానుంది. తాజాగా ఈ సినిమా రన్ టైమ్ లాక్ అయినట్లు సినీ వర్గాల నుంచి టాక్ వినిపిస్తుంది. ‘2 గంటల 42 నిమిషాల’ రన్‌టైమ్‌తో సినిమా ఉండబోతుందని సమాచారం. దీనిపై అధికారిక ప్రకటన రావాల్సివుంది.
ఏపీలో కానిస్టేబుల్‌ అభ్యర్థులకు ఫిజికల్‌ టెస్ట్‌ నిర్వహించేందుకు షెడ్యూల్ విడుదలైంది. ఈనెల 30 నుంచి ఫిబ్రవరి 1, 2025 వరకు ఫిజికల్‌ టెస్ట్‌‌లు నిర్వహించనున్నారు. కానిస్టేబుల్‌ రాత పరీక్షలో 95,208 మంది అభ్యర్థులు ఉత్తీర్ణులయ్యారు. అభ్యర్థులకు సందేహాలుంటే 9441450639, 9100203323 నంబర్లను సంప్రదించండి.
కేంద్రమంత్రి నితిన్ గడ్కరీతో తెలంగాణ సీఎం రేవంత్ రెడ్డి సమావేశం ముగిసింది. ఈ భేటీలో సీఎంతో పాటు మంత్రి కోమటిరెడ్డి వెంకటరెడ్డి, కాంగ్రెస్ ఎంపీలు పాల్గొన్నారు.
అత్యంత ప్రజాదరణ పొందిన భారతీయ చలనచిత్రాల జాబితాను IMDb ప్రకటించింది. జనవరి 1 నుంచి నవంబర్ 25వ తేదీ మధ్య విడుదలైన అన్ని చిత్రాల్లో రేటింగ్స్ బట్టి టాప్-10 జాబితాను రిలీజ్ చేసింది. ఇందులో ‘కల్కి’ సినిమా టాప్-1లో ఉండగా.. ఆ తర్వాతి స్థానాల్లో ‘స్త్రీ-2’, మహారాజా, సైతాన్, ఫైటర్, మంజుమ్మల్ బాయ్స్, భూల్ భులయ్యా-3, కిల్, సింగమ్ అగైన్, లాపతా లేడీస్ ఉన్నాయి.
టయోటా కంపెనీ తన 9వ తరం 'క్యామ్రీ'ని భారత మార్కెట్లో లాంచ్ చేసింది. రూ. 48 లక్షలు (ఎక్స్-షోరూమ్) ధర గల ఈ సెడాన్ ఒకే వేరియంట్‌లో మాత్రమే అందుబాటులో ఉంది. TNGA-K ప్లాట్ఫామ్ ఆధారంగా నిర్మితమైంది. 2.5-లీటర్ పెట్రోల్ ఇంజిన్ 227 బీహెచ్‌పీ, 220 ఎన్ఎమ్‌ టార్క్ ప్రొడ్యూస్ చేస్తుంది. 9 ఎయిర్‌బ్యాగ్‌లు, 360 డిగ్రీ కెమెరా వంటి ఫీచర్లున్నాయి.
AP: నంద‌మూరి బాల‌కృష్ణ వరసగా మూడు సార్లు ఎమ్మెల్యేగా గెలిచి హిందూపురాన్ని నందమూరిపురంగా మార్చేశారు. అయితే రాజ‌కీయాల్లోకి తన వెనక వస్తున్న వారంతా మంత్రులుగా కీలక స్థానాలలో ఉంటున్నారు. తాజాగా జ‌న‌సేన నుంచి నాగ‌బాబును ఏపీ కేబినెట్‌లోకి తీసుకోనున్న‌ట్లు సీఎం చంద్రబాబు ప్రకటించారు. నాగ‌బాబు మంత్రి కానున్న నేపథ్యంలో బాలయ్య ఏం పాపం చేశారని అభిమానులు ఆవేదన వ్యక్తం చేస్తున్నారు.