ChotaNews Quick Feeds

జోరుగా టీడీపీ ఎన్నికల ప్రచారం

జోరుగా టీడీపీ ఎన్నికల ప్రచారం

శ్రీసత్యసాయి: గార్లదిన్నె మండలం మర్తాడులో ఉమ్మడి ఎమ్మెల్యే అభ్యర్థి బండారు శ్రావణిశ్రీ సోదరి కిన్నెరశ్రీ, ముంటిమడుగు కేశవరెడ్డి సోదరులు శ్రీనివాస్ రెడ్డి విస్తృతంగా ప్రచారం నిర్వహించారు. ఈ సందర్బంగా ప్రజలకు సూపర్ సిక్స్ పథకాలను వివరించి, కరపత్రాలను పంపిణీ చేశారు. రానున్న ఎన్నికల్లో సైకిల్ గుర్తుకు ఓటు వేయాలని ఓటర్లను అభ్యర్థించారు. కార్యక్రమంలో మండల నాయకులు, కార్యకర్తలు, మహిళలు పెద్దసంఖ్యలో పాల్గొన్నారు.

నా 25 ఏళ్ల శ్రమ ఫలించింది: చామల

నా 25 ఏళ్ల శ్రమ ఫలించింది: చామల

కాంగ్రెస్ పార్టీ భువనగిరి ఎంపీ అభ్యర్థి చామల కిరణ్ కుమార్ రెడ్డి బీఫామ్ తీసుకున్నారు. ఏఐసీసీ కార్యదర్శి రోహిత్ చౌదరి, టీపీసీసీ వర్కింగ్ ప్రెసిడెంట్ మహేష్ కుమార్ గౌడ్ గాంధీ భవన్‌లో అందజేశారు. తన 25 ఏళ్ల కష్టాన్ని గుర్తించి టికెట్ ఇచ్చారని ఆయన చెప్పారు. ఎంపీగా గెలిచి ప్రజా సమస్యలపై పోరాడతానని వెల్లడించారు. కోమటిరెడ్డి బ్రదర్స్ మద్దతు తనకు సంపూర్ణంగా ఉందని తెలిపారు.

నూడుల్స్‌లో డైమండ్స్‌!

నూడుల్స్‌లో డైమండ్స్‌!

తాజాగా ముంబై విమానాశ్రయంలో కస్టమ్స్ డిపార్ట్‌మెంట్ కోట్లరూపాయల విలువైన వజ్రాలను, బంగారాన్ని స్వాధీనం చేసుకుంది. ముంబై నుంచి బ్యాంకాక్‌కు వెళ్తున్న భారతీయుడు ట్రాలీ బ్యాగ్‌లో నూడుల్స్ ప్యాకెట్‌లో డైమండ్లను తరలిస్తూ గుట్టుగా అధికారుల కన్నుగప్పాలని చూశాడు. కానీ తనిఖీల్లో అడ్డంగా బుక్కయ్యాడు. రూ.2.02 కోట్ల విలువైన 254.71 క్యారెట్ల నేచురల్ లూజ్ డైమండ్, 977.98 క్యారెట్ ల్యాబ్ గ్రోన్ డైమండ్ లభ్యమయ్యాయి.