ChotaNews Quick Feeds

క్యాన్సర్‌తో పోరాడుతున్న మాజీ క్రికెటర్.. బీసీసీఐ సాయం

క్యాన్సర్‌తో పోరాడుతున్న మాజీ క్రికెటర్.. బీసీసీఐ సాయం

భారత మాజీ క్రికెటర్ అన్షుమాన్ గైక్వాడ్ క్యాన్సర్‌తో పోరాడుతున్నారు. బ్లడ్ క్యాన్సర్ బారిన పడిన అతను లండన్ లో చికిత్స తీసుకుంటున్నారు. ఈ మాజీ క్రికెటర్ చికిత్స కోసం బీసీసీఐ గొప్ప మనసును చాటుకుంది. అతని చికిత్స కోసం వెంటనే కోటి రూపాయలను విడుదల చేయాలని బీసీసీఐ సెక్రటరీ జై షా ఆదివారం సంబంధిత అధికారులను ఆదేశించారు.

కాల్పుల విరమణ చర్చల నుంచి వైదొలగిన హమాస్‌

కాల్పుల విరమణ చర్చల నుంచి వైదొలగిన హమాస్‌

గాజాలో శాంతి యత్నాలకు తీవ్రవిఘాతం ఏర్పడింది. కాల్పుల విరమణ చర్చల నుంచి వైదొలగుతున్నట్లు హమాస్ చీఫ్ ఇస్మాయిలీ హనియా ప్రకటించారు. శాంతి చర్చలపై ఇజ్రాయెల్‌ ఆసక్తిగా లేకపోవడం, నిరాయుధ పౌరులపై ఐడీఎఫ్‌ దాడులు చేయడం కారణంగానే ఈ నిర్ణయం తీసుకున్నట్లు ఇస్మాయిలీ తెలిపారు.

తీవ్రవాదుల ఆకస్మిక దాడి.. సీఆర్పీఎఫ్‌ జవాన్‌ మృతి

తీవ్రవాదుల ఆకస్మిక దాడి.. సీఆర్పీఎఫ్‌ జవాన్‌ మృతి

మణిపూర్‌లో హింసాత్మక సంఘటనలు కొనసాగుతున్నాయి. అనుమానిత తిరుగుబాటుదారుల దాడిలో సెంట్రల్ రిజర్వ్ పోలీస్ ఫోర్స్ జవాన్‌ మరణించాడు. జిరిబామ్ జిల్లాలో ఈ సంఘటన జరిగింది. అస్సాం సరిహద్దు జిల్లా ప్రాంతంలో పారామిలిటరీ సిబ్బంది, రాష్ట్ర పోలీసులు సంయుక్తంగా గస్తీ నిర్వహిస్తుండగా తీవ్రవాదులు ఆకస్మికంగా దాడి చేశారు. ఈ సంఘటనలో సీఆర్పీఎఫ్‌ జవాన్‌ మరణించగా, ఆ వాహనంలో ఉన్న ఇద్దరు పోలీస్‌ కమాండోలు గాయపడ్డారు.