shape

Social Media ChotaNews

‘డబుల్ ఇస్మార్ట్’ విడుదల అప్పుడేనా?

‘డబుల్ ఇస్మార్ట్’ విడుదల అప్పుడేనా?

పూరీ జగన్నాథ్, రామ్ కాంబోలో వచ్చిన ‘ఇస్మార్ట్ శంకర్’ సూపర్‌హిట్ అయిన సంగతి తెలిసిందే. దీనికి సీక్వెల్‌గా ‘డబుల్ ఇస్మార్ట్’ తెరకెక్కుతోంది. చాలాకాలంగా ఈ చిత్రం గురించి ఎలాంటి అప్‌డేట్స్ లేవు. అయితే, మే నెలలో ఈ మూవీని విడుదల చేసేందుకు మేకర్స్ ప్లాన్ చేస్తున్నట్లు సమాచారం. త్వరలోనే టీజర్‌‌ను వదలనున్నట్లు తెలుస్తోంది. దీనిపై అధికారికంగా ప్రకటన రావాల్సి ఉంది.

హైటెక్ సిటీ వద్ద చంద్రబాబు పుట్టినరోజు వేడుకలు

హైటెక్ సిటీ వద్ద చంద్రబాబు పుట్టినరోజు వేడుకలు

HYD: నేడు టీడీపీ అధినేత చంద్రబాబు పుట్టినరోజు. ఈ సందర్భంగా హైదరాబాద్ హైటెక్ సిటీలోని సైబర్ టవర్స్ వద్ద ఐటీ ఉద్యోగులు.. చంద్రబాబు జన్మదిన వేడుకలు నిర్వహించారు.

శ్రీకృష్ణుణ్ని పెళ్లాడిన యువతి

శ్రీకృష్ణుణ్ని పెళ్లాడిన యువతి

మధ్యప్రదేశ్‌లోని గ్వాలియర్‌కు చెందిన శివాని పరిహార్ అనే యువతి చిన్నప్పటి నుంచి శ్రీకృష్ణుడిని ఆరాధించేంది. దీంతో కృష్ణుడినే పెళ్లి చేసుకోవాలని నిర్ణయించుకున్న ఆమె.. తన తల్లిదండ్రులను అందుకు ఒప్పించింది. తాజాగా బంధుమిత్రుల సమక్షంలో శ్రీకృష్ణ పరమాత్ముని విగ్రహంతో పెళ్లి చేసుకుంది. అనంతరం అప్పగింతలు కార్యక్రమం కూడా నిర్వహించారు. ఇక నుంచి ఆమె కృష్ణుడి సేవలోనే ఉండనుంది.

శివాలయ ప్రదక్షిణానికీ నియమాలున్నాయ్..!

శివాలయ ప్రదక్షిణానికీ నియమాలున్నాయ్..!

శివాలయ ప్రదక్షిణానికీ నియమాలున్నాయ్..!

ఎన్నికల వేళ ECకి ఫిర్యాదుల వెల్లువ

ఎన్నికల వేళ ECకి ఫిర్యాదుల వెల్లువ

AP : రాష్ట్రంలో ఎన్నికల వేళ.. EC వద్ద వివిధ పార్టీల ఫిర్యాదులతో పంచాయితీ నెలకొంది. అధికార YCP, విపక్ష TDPలు పరస్పరం ఫిర్యాదులు చేసుకుంటున్నాయి. ఇప్పటి వరకు 150కు పైగా YCP ఫిర్యాదులు ఇచ్చింది. దొంగ ఓట్లు మొదలుకుని.. అధికార దుర్వినియోగం వరకు TDPవరుస ఫిర్యాదులు చేస్తోంది. ఇప్పటి వరకు వివరణ కోరుతూ EC కూడా వందకుపైగా నోటీసులు జారీ చేసినట్టు సమాచారం.

మరో ఇంట్రెస్టింగ్ మూవీకి నిర్మాతగా మారుతి

మరో ఇంట్రెస్టింగ్ మూవీకి నిర్మాతగా మారుతి

చిన్న సినిమాలతో పెద్ద హిట్స్ కొట్టే టాలీవుడ్ డైరెక్టర్ మారుతి నిర్మాతగా జీ స్టూడియోస్‌తో కలిసి మరో సినిమాను పట్టాలెక్కిస్తున్నారు. సుబ్రహ్మణ్యం ఆర్‌.వీ దర్శకత్వం వహిస్తున్న ఈ సినిమాకు ‘బ్యూటీ’ అనే టైటిల్‌ను ఖరారు చేశారు. ఈనెల 22న ఈ మూవీని మేకర్స్ లాంఛనంగా ప్రారంభించనున్నారు. అప్పుడే ఈ మూవీ టైటిల్‌ని కూడా మేకర్స్ అధికారికంగా ప్రకటిస్తారు.

ఎన్నికల సిబ్బంది బస్సు బోల్తా.. 21 మందికి గాయాలు!

ఎన్నికల సిబ్బంది బస్సు బోల్తా.. 21 మందికి గాయాలు!

లోక్‌సభ ఎన్నికల తొలి విడత పోలింగ్‌ ముగిసింది. విధులు ముగించుకుని తిరిగివెళ్తున్న సిబ్బంది ప్రమాదం బారినపడిన ఘటన మధ్యప్రదేశ్‌లో చోటుచేసుకుంది. చింద్వారాలో ఎన్నికల విధులు ముగించుకుని రాజ్‌గఢ్‌కు వెళ్తున్న పోలీసులు, జవానుల బస్సు బేతుల్‌లోని బరేతా ఘాట్ సమీపంలో ఓ ట్రక్కును ఢీకొని బోల్తా పడింది. ఈ ప్రమాదంలో బస్సులో ప్రయాణిస్తున్న 21 మంది జవానులు గాయపడగా, బాధితులను జిల్లా ఆసుపత్రికి తరలించారు.

అవి పెట్టుకుంటేనే.. గ్రేటర్‌లో ఇళ్లకు అనుమతి!

అవి పెట్టుకుంటేనే.. గ్రేటర్‌లో ఇళ్లకు అనుమతి!

HYD : గ్రేటర్‌ హైదరాబాద్‌ మునిసిపల్‌ కార్పొరేషన్‌ పరిధిలో ఇళ్లపై సోలార్‌ప్యానెల్స్‌ ఏర్పాటు చేసుకుంటేనే ఇంటి అనుమతులు మంజూరు చేయాలని ప్రభుత్వం యోచిస్తోంది. లోక్‌సభ ఎన్నికల తర్వాత దీనికి సంబంధించి విధానపరమైన నిర్ణయం తీసుకోనుంది. సౌర విద్యుత్‌కు అధిక ప్రాధాన్యం ఇవ్వాలని రాష్ట్ర ప్రభుత్వం నిర్ణయించిన నేపథ్యంలో ప్రతీ ఇంటిపై సోలార్‌ప్యానెల్స్‌ ఏర్పాటు చేసుకోవాలనే కచ్చితమైన నిబంధన తీసుకురావాలనుకుంటోంది.

సీఎం జగన్‌పై రాయిదాడి కేసు.. బోండా ఉమా ఏమన్నారంటే?

సీఎం జగన్‌పై రాయిదాడి కేసు.. బోండా ఉమా ఏమన్నారంటే?

AP: సీఎం జగన్‌పై రాయి దాడి కేసుకు సంబంధించి టీడీపీ నేత బోండా ఉమా కీలక వ్యాఖ్యలు చేశారు. ‘‘మాపై పోలీసులు తప్పుడు కేసులు పెడుతున్నారు. అనుమానితుడు సతీష్ తల్లిదండ్రులను బెదిరిస్తున్నారు. ఈ విషయంపై గవర్నర్‌కు సమాచారం ఇచ్చాము. ఆరు రోజులైనా పోలీసుల అదుపులో ఉన్న దుర్గారావు ఎక్కడున్నాడో తెలియడం లేదు. రాష్ట్రంలో క్రిమినల్ పాలిటిక్స్ నడుస్తున్నాయి’’ అని పేర్కొన్నారు.

కమలదళం.. కార్నర్‌ మీటింగ్‌లు

కమలదళం.. కార్నర్‌ మీటింగ్‌లు

TG : రాష్ట్రంలో డబుల్‌ డిజిట్‌ MP సీట్లు గెలుచుకోవాలనే లక్ష్యంగా పెట్టుకున్న కమలదళం ఇందుకోసం వికేంద్రీకరణ వ్యూహాన్ని అమలు చేస్తోంది. పోలింగ్‌ బూత్‌ల కేంద్రంగా కార్యకలాపాలపై ప్రత్యేకంగా దృష్టిని కేంద్రీకరిస్తోంది. మే 1 నుంచి 8 దాకా కార్నర్‌ మీటింగ్‌లు నిర్వహించాలని BJP నిర్ణయించింది. మూడు, నాలుగు పోలింగ్‌ బూత్‌లకు కలిపి ఓ కార్నర్‌ మీట్‌ను నిర్వహించనుంది.

పాకిస్థాన్‌కు షాకిచ్చిన అమెరికా

పాకిస్థాన్‌కు షాకిచ్చిన అమెరికా

పాకిస్థాన్‌కు అమెరికా షాక్ ఇచ్చింది. పాక్ తయారు చేసే క్షిపణుల కోసం.. సాంకేతిక వస్తువులను సరఫరా చేసే చైనాకు చెందిన టియాంజిన్ క్రియేటివ్ సోర్స్ ఇంటర్నేషనల్ ట్రేడ్ అండ్ గ్రాన్‌పెక్ట్ కంపెనీ లిమిటెడ్, బెలారస్‌కు చెందిన మిన్స్క్ వీల్ ట్రాక్టర్ ప్లాంట్‌పై నిషేధం విధించింది. ఈ కంపెనీలు ప్రమాదకరమైన ఆయుధాలను తయారు చేయడంలో పాకిస్థాన్‌కు సహకరిస్తున్నాయని పేర్కొంది.

‘బేబి జాన్‌’ సెట్స్‌లో బేబి కీర్తి

‘బేబి జాన్‌’ సెట్స్‌లో బేబి కీర్తి

హీరోయిన్ కీర్తి సురేశ్‌ ‘బేబి జాన్‌’తో బాలీవుడ్‌లో ఎంటర్ కానుంది. వరుణ్‌ ధావన్‌ హీరోగా కాలీస్‌ దర్శకత్వంలో తెరకెక్కుతున్న యాక్షన్‌ ఎంటర్‌టైనర్‌ చిత్రమిది. ఈ సినిమా షూటింగ్‌లో భాగంగా పాల్గొని బేబి కీర్తి పేరున్న టీషర్ట్ ధరించి,సోషల్ మీడియాలో ‘‘బేబి జాన్‌’ సెట్స్‌లో బేబి కీర్తి’ అంటూ పోస్ట్ చేసింది. త్వరలోనే మూవీ రిలీజ్ డేట్‌ను మూవీ మేకర్స్ తెలపనున్నారు.

కేసీఆర్ వల్లే వారు పార్టీని వీడుతున్నారు: గుత్తా

కేసీఆర్ వల్లే వారు పార్టీని వీడుతున్నారు: గుత్తా

TG: బీఆర్‌ఎస్ పరిస్థితి, కేసీఆర్‌పై శాసన మండలి ఛైర్మన్ గుత్తా సుఖేందర్ రెడ్డి విమర్శలు చేశారు. కేసీఆర్ కోటరీ వల్లే బీఆర్‌ఎస్‌కు ఈ దుస్థితి నెలకొందని చెప్పారు. ఎన్నికలకు ఆరు నెలల ముందు నేతలకు కేసీఆర్ అపాయిట్మెంట్ ఇవ్వలేదని ఆరోపించారు. దాని వల్ల ప్రస్తుతం చాలా మంది నేతలు పార్టీని వదిలేసి వెళుతున్నారని పేర్కొన్నారు.

చంద్రబాబుపై రఘురామ స్పెషల్ వీడియో

చంద్రబాబుపై రఘురామ స్పెషల్ వీడియో

AP: నేడు టీడీపీ అధినేత చంద్రబాబు పుట్టినరోజు సందర్భంగా ఉండి నియోజకవర్గ టీడీపీ అభ్యర్థి రఘురామ కృష్ణంరాజు ఓ వీడియో విడుదల చేశారు. ‘‘నేతలు ఎందరున్నా, జాతి గర్వపడే నాయకులు కొందరే ఉంటారు. వారిలో చంద్రబాబు ఒకరు. చంద్రబాబు కేవలం నాయకుడే కాదు.. అద్వితీయ దార్శనికుడు, రేపటితరాల భవితను తీర్చిదిద్దే మహాశిల్పి.. అలాంటి రాజర్షికి నా హృదయపూర్వక జన్మదిన శుభాకాంక్షలు’’ అని పేర్కొన్నారు.

మరోసారి నోరు జారిన సీఎం జగన్

మరోసారి నోరు జారిన సీఎం జగన్

ఏపీ సీఎం, వైసీపీ అధినేత జగన్‌కు సంబంధించిన వీడియో సోషల్‌మీడియాలో వైరలవుతోంది. ఈ వీడియోలో ‘‘మీ బిడ్డా మోసం చేశాడు కాబట్టి ఎన్నికల్లో యుద్ధానికి ఒంటరిగా బయలు దేరాడు’’ అని అన్నారు. ఈ వీడియో చూసి టీడీపీ నేతలు తమకు తోచిన విధంగా కామెంట్స్ చేస్తున్నారు.

మస్క్‌ భారత పర్యటన వాయిదా!

మస్క్‌ భారత పర్యటన వాయిదా!

టెస్లా సీఈఓ ఎలాన్ మస్క్ తన భారత పర్యటనను వాయిదా వేసుకున్నట్లు సమాచారం. ప్రధాని మోదీని కలవడానికి, భారత మార్కెట్లోకి ప్రవేశించే ప్రణాళికలను ప్రకటించడానికి ఏప్రిల్ 21, 22 తేదీల్లో మస్క్ రెండు రోజుల పాటు పర్యటించాల్సి ఉంది. టెస్లా త్రైమాసిక పనితీరు గురించి వివరించడానికి ఏప్రిల్ 23న యూఎస్‌లో జరిగే కాన్ఫరెన్స్ కాల్‌కు హాజరుకావాల్సి ఉండడమే కారణమని తెలుస్తోంది.

డ్రైనేజీ క్లీనింగ్ చేసిన చామల కిరణ్

డ్రైనేజీ క్లీనింగ్ చేసిన చామల కిరణ్

TG: భువనగిరి కాంగ్రెస్ పార్లమెంట్ అభ్యర్థి చామల కిరణ్ కుమార్ రెడ్డి.. ఆలేరులో డ్రైనేజీ క్లీనింగ్ చేశారు. ఎన్నికల ప్రచారంలో భాగంగా పారిశుధ్య కార్మికులతో కలిసి డ్రైనేజీ పనులు చేశారు.

ఇంద్రవెల్లికి మంత్రి సీతక్క

ఇంద్రవెల్లికి మంత్రి సీతక్క

TG : ఆదిలాబాద్ జిల్లా ఇంద్రవెల్లికి మంత్రి సీతక్క వెళ్లనున్నారు. నేడు ఇంద్రవెల్లి అమరవీరుల సంస్మరణ దినోత్సవం సందర్భంగా సీతక్క హాజరుకానున్నారు. అక్కడ అమరవీరులకు మంత్రి సీతక్క నివాళులర్పించనున్నారు. ఇంద్రవెల్లి అమరవీరుల స్తూపం వద్దకు పెద్ద ఎత్తున ఆదివాసీలు తరలివస్తున్నారు. ఇంద్రవెల్లి ఘటన జరిగి నేటికి 43 ఏళ్లు.

మైగ్రేన్ వేధిస్తే.. ఇవి తినకండి

మైగ్రేన్ వేధిస్తే.. ఇవి తినకండి

వైన్ తాగేవారిలో 77 శాతం మంది (మైగ్రేన్) తలనొప్పితో బాధపడుతున్నట్లు అధ్యయనాల్లో వెల్లడైంది. డీ హైడ్రేషన్ కారణంగా ఈ సమస్య వస్తుందని గుర్తించారు. చాక్లెట్, మార్కెట్‌లో లభించే ఆర్టిఫిషియల్ స్వీటెనర్, ప్రాసెస్డ్ మీట్, ఫాస్ట్ ఫుడ్, చీజ్ కూడా తలనొప్పికి కారణమవుతుందని నిపుణులు చెబుతున్నారు. ఉప్పు అధికంగా ఉన్న ఆహారాలను కూడా తీసుకోవద్దట.

మాధవీలతకు బిగ్ షాక్

మాధవీలతకు బిగ్ షాక్

TG: హైదరాబాద్ బీజేపీ ఎంపీ అభ్యర్థి మాధవీలతకు బిగ్ షాక్ తగిలింది. ఎన్నికల ప్రచారంలో ఓ ఇంటికి వెళ్లి తనకు ఓటు వేయాలని మహిళను కోరగా.. నో అని చెప్పింది. దీనికి సంబంధించిన వీడియో సోషల్‌మీడియాలో వైరలవుతోంది. ఈ వీడియో చూసి నెటిజన్స్ తమకు తోచిన విధంగా కామెంట్స్ చేస్తున్నారు.

ఓటింగ్‌ ట్రెండ్‌ మారితే!

ఓటింగ్‌ ట్రెండ్‌ మారితే!

గత 47 ఏళ్లలో జరిగిన 12లోక్‌సభ ఎన్నికల డేటాను పరిశీలిస్తే.. ఏడు ఎన్నికల్లో ఓటింగ్ శాతం పెరిగింది. ఈ ఎన్నికల ఫలితాలు చూస్తే ఏడులో.. నాలుగుసార్లు ప్రభుత్వం మారినట్లు స్పష్టమవుతోంది. గత మూడు దఫాల ఎన్నికలలో ప్రభుత్వంలో ఎలాంటి మార్పు లేదు. 1984, 2009, 2019 ఎన్నికల్లో ఓటింగ్‌ శాతం పెరగడంతో అధికార పార్టీ లబ్ధి పొంది భారీ మెజారిటీని దక్కించుకుంది.

కడప ప్రజలపై షర్మిల ఆసక్తికర వ్యాఖ్యలు

కడప ప్రజలపై షర్మిల ఆసక్తికర వ్యాఖ్యలు

AP: దివంగత నేత వైఎస్ఆర్‌కు ఆయన కుమార్తె, ఏపీ కాంగ్రెస్ చీఫ్ షర్మిల నివాళులర్పించారు. ఈ సందర్భంగా ఆమె మాట్లాడుతూ.. ‘‘కడప ఎంపీ అభ్యర్థిగా ఇవాళ నామినేషన్ వేస్తున్నాను. నాన్న దగ్గర నామినేషన్ పత్రాలు పెట్టీ ఆశీర్వాదం తీసుకున్నాను. కడప ప్రజలు విజ్ఞత కలిగిన వాళ్ళు, మంచి తీర్పు ఇస్తారని ఆశిస్తున్నా. నన్ను భారీ మెజార్టీతో గెలిపిస్తారనే నమ్మకం ఉంది’’ అని పేర్కొన్నారు.

గ్రామీణ బాటపట్టిన హ్యుందాయ్‌

గ్రామీణ బాటపట్టిన హ్యుందాయ్‌

ప్రముఖ ఆటోమొబైల్‌ దిగ్గజం హ్యుందాయ్‌.. గ్రామీణ బాటపట్టింది. గ్రామాల్లో ఉండేవారిని లక్ష్యంగా పెట్టుకొని ‘గ్రామీణ్‌ మహోత్సవ్‌’ పేరుతో దేశవ్యాప్తంగా 16 నూతన ప్రాంతాల్లో కార్యక్రమానికి శ్రీకారం చుట్టింది. ఈ మహోత్సవంలో కంపెనీకి చెందిన మోడళ్లను ప్రదర్శించడంతోపాటు లైవ్‌ మ్యూజిక్‌, ఫోక్‌ డ్యాన్స్‌లు, ప్రాంతీయంగా ఉండేవారిని ప్రోత్సహించే దిశగా కార్యక్రమాలను నిర్వహిస్తున్నది.మొత్తం అవుట్‌లెట్లలో 40 శాతం స్టోర్లు గ్రామీణ ప్రాంతాల్లోనే నెలకొల్పినట్లు చెబుతోంది.

హైదరాబాద్‌లో మారిన వాతావరణం

హైదరాబాద్‌లో మారిన వాతావరణం

TG: హైదరాబాద్‌లో పలుచోట్ల భారీ వర్షం కురిసింది. దీంతో ఎండవేడిమి, ఉక్కపోత నుంచి నగర వాసులకు ఉపశమనం కలిగింది.

త్రిపురలో ఇద్దరు ఎన్నికల అధికారుల సస్పెండ్

త్రిపురలో ఇద్దరు ఎన్నికల అధికారుల సస్పెండ్

త్రిపురలో ఇద్దరు ఎన్నికల అధికారులపై సస్పెన్షన్ వేటు పడింది. నిన్న జరిగిన తొలివిడత లోక్‌సభ ఎన్నికల పోలింగ్‌లో రామనగర్ అసెంబ్లీ నియోజకవర్గం పరిధిలోకి వచ్చే పోలింగ్ స్టేషన్‌లో నియమించిన ఇద్దరు అధికారులు పోలింగ్ మాల్‌ప్రాక్టిసింగ్‌కు పాల్పడినట్లు అక్కడి ఎన్నికల రిటర్నింగ్ అధికారి డాక్టర్ విశాల్ కుమార్ తెలిపారు. దీనిపై రాజకీయ నేతల నుంచి ఫిర్యాదులు రావడంతో వారిద్దరిని సస్పెండ్ చేసినట్లు పేర్కొన్నారు.

అడ్డగోలు పోస్టులు పెడితే ఇబ్బందే

అడ్డగోలు పోస్టులు పెడితే ఇబ్బందే

AP: ఎన్నికల నేపథ్యంలో జిల్లాలలో సామాజిక మాధ్యమాల తీరుతెన్నులపై ఎన్నికల సంఘం ప్రత్యేక దృష్టి సారించింది. ప్రస్తుతం సెల్‌ఫోన్, సామాజిక మాధ్యమాల వినియోగం పెరిగిన నేపథ్యంలో ప్రధాన పక్షాల అభ్యర్థులు వాటిని పూర్తిగా వినియోగించుకుంటున్నారు. ఈక్రమంలో జిల్లాలో మీడియా మానిటరింగ్‌ కమిటీని ఎన్నికల సంఘం ఏర్పాటు చేసింది. నిబంధనలకు విరుద్ధంగా పోస్టులు పెట్టే వారిపై చర్యలు చేపట్టనుంది.

రియాన్‌ పరాగ్‌ అదరగొడుతున్నాడు!

రియాన్‌ పరాగ్‌ అదరగొడుతున్నాడు!

ఐపీఎల్‌-17వ సీజన్‌లో రాజస్థాన్‌ రాయల్స్‌ ఆటగాడు రియాన్‌ పరాగ్‌ అదరగొడుతున్నాడు. 2019 నుంచి 2023 వరకు 54 మ్యాచ్‌ల్లో 600 పరుగులే చేసిన అతను ఈ సీజన్లో ఇప్పటికే 7 మ్యాచ్‌ల్లో 318 పరుగులు సాధించాడు. రాజస్థాన్‌ గెలిచిన ఆరు మ్యాచ్‌ల్లో మూడింట్లో జట్టు విజయాల్లో పరాగ్‌ కీలక పాత్ర పోషించాడు. పూర్తి ఆత్మవిశ్వాసంతో క్రీజులో సౌకర్యంగా కదులుతూ అలవోకగా సిక్సర్లు రాబడుతున్నాడు.

మాజీ సీఎంకు ఓటమి తప్పదా?

మాజీ సీఎంకు ఓటమి తప్పదా?

మధ్యప్రదేశ్ మాజీ సీఎం శివరాజ్ సింగ్ చౌహాన్..లోక్‌సభ ఎన్నికల్లో విదిశ నియోజకవర్గం నుంచి పోటీ చేస్తున్నారు. అయితే ఆయనకు ఈసారి ఓటమి తప్పదనే వార్తలు వినిపిస్తున్నాయి. అతనిపై పోటీ చేస్తున్న ప్రతాప్ భానుశర్మ(77) భారీగా ఓట్లు సాధిస్తారని పలు సర్వే రిపోర్టులు చెబుతున్నట్లు నేషనల్ మీడియాలో వార్తలు వస్తున్నాయి. సౌమ్య స్వభావం గల శర్మ వైపే విదిశ ప్రజలు మద్దతు ఉందని సమాచారం.

కలరా టీకాకు డబ్ల్యూహెచ్‌వో ఆమోదం

కలరా టీకాకు డబ్ల్యూహెచ్‌వో ఆమోదం

విస్తృతంగా వినియోగంలో ఉన్న కలరా టీకాకు సంబంధించిన ఒక కొత్త వెర్షన్‌కు ప్రపంచ ఆరోగ్య సంస్థ(WHO) ఆమోదం తెలిపింది. దీనికి యూవిచోల్‌-ఎస్‌ అని పేరు పెట్టారు.ప్రస్తుతం పెరుగుతున్న ఈ వ్యాధి కేసులను ఎదుర్కోవడానికి ఇది దోహదపడుతుందని వివరించింది. ఈ సంస్థ అభివృద్ధి చేసిన టీకా ఇప్పటికే వినియోగంలో ఉంది. దానికి సంబంధించిన మెరుగైన వెర్షన్‌కు ఇప్పుడు ఆమోదం లభించింది. దీనిని ఈయూబయాలజీస్‌ రూపొందించింది.

మురుగన్‌ గుడిలో మంత్రి రోజా ప్రత్యేక పూజలు

మురుగన్‌ గుడిలో మంత్రి రోజా ప్రత్యేక పూజలు

ఎన్నికలు దగ్గర పడుతున్న వేళ ఏపీ మంత్రి రోజా కుటుంబంతో కలిసి పూజలు చేశారు. తమిళనాడులోని తిరువళ్లూర్‌లోని మురుగన్ గుడి ప్రత్యేక పూజలు నిర్వహించారు.

శివమ్ దూబే జేబును చెక్ చేసిన అంపైర్

శివమ్ దూబే జేబును చెక్ చేసిన అంపైర్

నిన్న చెన్నై, లక్నో మధ్య జరిగిన మ్యాచ్‌లో.. CSK బ్యాటింగ్‌ చేస్తున్న సమయంలో ఆ జట్టు బ్యాటర్ శివమ్ దూబే జేబులను ఆన్‌‌ఫీల్డ్‌ అంపైర్‌ చెక్‌ చేశాడు. ఇందుకు సంబంధిచిన ఫోటోలు సోషల్‌ మీడియా కాగా అంపైర్‌లు ఇలా ఆటగాళ్ల జేబులను చెక్‌ చేయడం చాలా అరుదుగా జరుగుతుంటుంది. అయితే అంపైర్‌ దూబే పాకెట్స్‌ను చెక్‌ చేయడానికి గల కారణమైతే ఇప్పటివరకు తెలియలేదు.

ఇజ్రాయెల్‌కు ఇరాన్ స్ట్రాంగ్ వార్నింగ్

ఇజ్రాయెల్‌కు ఇరాన్ స్ట్రాంగ్ వార్నింగ్

ఇరాన్‌పై ఇజ్రాయిల్ డ్రోన్ దాడి చేసిందని పలు అంతర్జాతీయ మీడియా సంస్థలు వార్తలు ప్రచురించాయి. దీనిపై ఇరాన్ విదేశాంగ మంత్రి హొసేన్ అమీరాబ్దొల్లాహియన్ తీవ్రంగా స్పందించారు. డ్రోన్‌ దాడులకు పాల్పడినట్లు నిర్ధారణ అయితే వెంటనే అంతకు మించి మేము ప్రతిదాడులను చేపడతామని తెలిపారు. తమ ప్రయోజనాలకు విరుద్ధంగా ఇజ్రాయెల్ ఏమైనా చేస్తే వెంటనే ప్రతిస్పందిస్తామని తేల్చి చెప్పారు.

హైదరాబాద్‌లో భారీ వర్షం

హైదరాబాద్‌లో భారీ వర్షం

TG: హైదరాబాద్‌లో పలు చోట్ల వర్షం కురుస్తోంది. చిక్కడపల్లి, హిమాయత్ నగర్, బర్కత్ పుర, సికింద్రాబాద్, అబిడ్స్, బాలాపూర్, కార్వాన్‌, రాజేంద్రనగర్‌, తుర్కయాంజల్‌, కొత్తపేట, సరూర్‌నగర్‌, నాగోల్‌, చైతన్యపురి, చంపాపేట, సైదాబాద్‌లో వర్షం పడుతోంది. దీంతో రోడ్డుపైకి భారీగా నీళ్లు చేరుకుంటున్నాయి. ఉద్యోగాలకు వెళ్తున్న వారు ఇబ్బందులు పడుతున్నారు.

గురుశిష్యులుగా తండ్రీ కూతుళ్లు ఎవరంటే?

గురుశిష్యులుగా తండ్రీ కూతుళ్లు ఎవరంటే?

‘కింగ్‌’సినిమాతో బాలీవుడ్ హీరో షారుక్‌‌ఖాన్ తన కుమార్తె సుహానాని సినీ ఇండస్ట్రీకి పరిచయం చేయనున్నారు. ఈచిత్రాన్ని సుజోయ్‌ ఘోష్‌ తెరకెక్కిస్తున్నారు. ఈ సినిమాలో సుహానాకు మార్గనిర్దేశం చేసే గురువుగా షారుఖ్ కనిపించనున్నట్లు తెలుస్తుంది. ‘‘సుహానా తొలి థియేట్రికల్‌ చిత్రమిది. విదేశీ స్టంట్‌ మాస్టర్స్‌ ఆధ్వర్యంలో యాక్షన్‌ సన్నివేశాలను చిత్రీకరించనున్నారు’’అని సన్నిహిత వర్గాలు తెలిపాయి. ఆగస్టులో షూటింగ్‌ ప్రారంభించనున్నట్లు సమాచారం.

స్క్రాప్ గోదాంలో అగ్ని ప్రమాదం

స్క్రాప్ గోదాంలో అగ్ని ప్రమాదం

ఉత్తరప్రదేశ్‌లోని ఘజియాబాద్‌లోని ఖోడా ప్రాంతంలో భారీ అగ్ని ప్రమాదం చోటు చేసుకుంది. అక్కడి స్క్రాప్ గోదాంలో ఈ రోజు తెల్లవారుజామున మంటలు చెలరేగాయి. సమాచారం అందుకున్న ఫైర్ సిబ్బంది అక్కడికి చేరుకుని మంటలకు ఆర్పే ప్రయత్నం చేస్తున్నారు. ప్రస్తుతానికి ఎటువంటి ప్రాణ నష్టం జరగలేదు. పూర్తి వివరాలు తెలియాల్సి ఉంది.

ఒకటో తరగతికి కనీస వయసుపై పిల్

ఒకటో తరగతికి కనీస వయసుపై పిల్

TG : బడిలో ఒకటో తరగతిలో చేరేందుకు కనీస వయసు ఆరేళ్లు ఉండాలంటూ జారీ అయిన ఉత్తర్వులపై వివరణ ఇవ్వాలంటూ కేంద్ర, రాష్ట్ర ప్రభుత్వాలకు హైకోర్టు నోటీసులు జారీ చేసింది. ఈ అంశంపై ఓవ్యక్తి దాఖలు చేసిన ప్రజాప్రయోజన వ్యాజ్యాన్ని హైకోర్టు ప్రధాన న్యాయమూర్తితో కూడిన ధర్మాసనం విచారణ చేపట్టింది. ఈ మేరకు కౌంటర్ దాఖలు చేయాలని ప్రతివాదులను ఆదేశిస్తూ విచారణ వాయిదా వేసింది.

లారెన్స్ బిష్ణోయ్ పేరుతో క్యాబ్ బుక్ చేసినందుకు అరెస్ట్

లారెన్స్ బిష్ణోయ్ పేరుతో క్యాబ్ బుక్ చేసినందుకు అరెస్ట్

గ్యాంగ్‌స్టర్ లారెన్స్ బిష్ణోయ్ పేరుతో బాలీవుడ్ స్టార్ నటుడు సల్మాన్ ఖాన్ నివాసం నుంచి క్యాబ్ బుక్ చేసినందుకు 20 ఏళ్ల యువకుడిని పోలీసులు అరెస్ట్ చేశారు. నిందితుడిని ఉత్తరప్రదేశ్‌లోని ఘజియాబాద్‌కు చెందిన రోహిత్ త్యాగిగా గుర్తించారు. నిందితులు సల్మాన్ నివాసం నుంచి బాంద్రా పోలీస్ స్టేషన్ వరకు క్యాబ్ బుక్ చేసుకున్నారని వెల్లడించారు. అయితే దీనిపై మరింత సమాచారం తెలియాల్సి ఉందని పేర్కొన్నారు.

నామినేషన్ ఖర్చే కోటి దాటేస్తోందట!

నామినేషన్ ఖర్చే కోటి దాటేస్తోందట!

తెలుగు రాష్ట్రాల్లో ఎన్నికల నామినేషన్ల ప్రక్రియ ఊపందుకుంది. అయితే కేవలం నామినేషన్ దాఖలుకు మాత్రమే ఒక్కో అభ్యర్థి రూ.కోటి వరకు ఖర్చు చేస్తున్నాడని తెలుస్తోంది. అభ్యర్థులంతా నామినేషన్ కార్యక్రమానికి జనసమీకరణలు చేసుకుని భారీ ర్యాలీతో వెళ్తున్నారు. ఇందుకోసం కార్లు, ఆటోలు, ద్విచక్ర వాహనాలు ఉపయోగించడంతోపాటు ర్యాలీలో పాల్గొనే ప్రజలకు డబ్బు, మద్యం, టీ-షర్ట్‌లు ఇస్తున్నట్లు సమాచారం. దీంతో ఖర్చు భారీగా పెరుగుతోందని వినికిడి.

పనసపండు గుర్తు ఎక్కడ?.. గందరగోళానికి గురైన ఓటర్లు

పనసపండు గుర్తు ఎక్కడ?.. గందరగోళానికి గురైన ఓటర్లు

స్వతంత్ర అభ్యర్థుల మధ్య చిక్కుకున్న తమిళనాడు మాజీ సీఎం ఓ.పన్నీర్‌సెల్వాన్ని గుర్తించలేక ఓటర్లు తికమకపడ్డారు. రామనాథపురం లోక్‌సభ నియోజకవర్గంలో BJP కూటమి మద్దతుతో స్వతంత్ర అభ్యర్థిగా మాజీ CM బరిలో ఉన్నారు. ఆయనకు పనసపండు గుర్తుని కేటాయించారు. మొత్తం ఐదుగురు పన్నీర్‌సెల్వంలు పోటీచేస్తున్న స్థితిలో ఆయనకు ముందు ముగ్గురు, వెనక ఒక పన్నీర్‌సెల్వం ఉన్నారు. గుర్తుకు సంబంధించి ఓటర్లు గందరగోళానికి గురయ్యారు.

జపాన్‌ పౌరులే లక్ష్యంగా పాక్‌లో ఆత్మాహుతి దాడి

జపాన్‌ పౌరులే లక్ష్యంగా పాక్‌లో ఆత్మాహుతి దాడి

పాకిస్థాన్‌లో జపాన్‌ దేశీయులు ప్రయాణిస్తున్న వాహనమే లక్ష్యంగా ఆత్మాహుతి దాడి యత్నం జరిగింది. సుజుకీ మోటార్స్‌లో పనిచేస్తున్న ఉద్యోగులతో వెళుతున్న వాహనాన్ని ఆత్మాహుతి బాంబర్‌ లక్ష్యంగా చేసుకున్నాడు. అయితే అతడు వాహనం వద్దకు చేరుకోకముందే పేల్చేసుకున్నాడు. మరో సాయుధుడు కాల్పులకు తెగబడ్డాడని పోలీసులు తెలిపారు. ఈ ఘటనలో జపనీయులు ఎవరూ గాయపడలేదని, ప్రైవేటు భద్రతా సిబ్బంది ఒకరు మృతి చెందారని పేర్కొన్నారు.

అమెరికాలో కాల్పులు.. అయిదుగురు విద్యార్థులకు గాయాలు

అమెరికాలో కాల్పులు.. అయిదుగురు విద్యార్థులకు గాయాలు

అమెరికాలోని మేరీల్యాండ్‌లోని గ్రీన్‌బెల్ట్‌లోని ఓ పార్కులో గుంపులుగా ఉన్న స్కూల్ విద్యార్థులపై ఓ దుండగుడు కాల్పులకు పాల్పడ్డాడు. ఈ దాడిలో ఐదుగురు హైస్కూల్ విద్యార్థులు గాయపడ్డారు. వారిలో ఒకరి పరిస్థితి విషమంగా ఉందని పోలీసులు వెల్లడించారు. పోలీసులు అనుమానితుడు కోసం వెతుకుతున్నారని, అయితే ఈ ఘటనలో మరికొందరి ప్రమేయం ఉండొచ్చని అనుమానిస్తున్నట్లు గ్రీన్‌బెల్ట్ పోలీస్ చీఫ్ రిచర్డ్ బోవర్స్ తెలిపారు.

AP EDCET దరఖాస్తు ప్రక్రియ ప్రారంభం

AP EDCET దరఖాస్తు ప్రక్రియ ప్రారంభం

AP: రాష్ట్రం‌లోని బీఈడీ, బీఈడీ (స్పెషల్‌) కోర్సుల్లో 2024-25 విద్యాసంవత్సరానికి ప్రవేశాలకు సంబంధించిన 'ఏపీ ఎడ్‌సెట్‌-2024' నోటిఫికేషన్‌ వెలువడింది. ఈ ఏడాది ఆంధ్ర విశ్వవిద్యాలయం ఎడ్‌సెట్‌ పరీక్ష బాధ్యత నిర్వహిస్తోంది. ఎడ్‌సెట్ ఆన్‌లైన్ దరఖాస్తు ప్రక్రియ ప్రారంభమైంది. ఏదైనా డిగ్రీలో కనీసం 50శాతం మార్కులతో ఉత్తీర్ణులైన వారు దరఖాస్తుకు అర్హులు. అభ్యర్థులు మే 15వరకు ఎటువంటి ఆలస్య రుసుము లేకుండా దరఖాస్తు చేసుకోవచ్చు.

ఉద్యోగులకు బిగ్ షాక్.. సెలవులు రద్దు!

ఉద్యోగులకు బిగ్ షాక్.. సెలవులు రద్దు!

తెలంగాణలో మే 13న లోక్‌సభ ఎన్నికలు జరగనున్న నేపథ్యంలో ఎన్నికల విధులు నిర్వర్తించేందుకు సిబ్బంది కొరత ఏర్పడటంతో దీర్ఘకాలిక సెలవుల్లో ఉన్న వారిని వెంటనే ఎన్నికల విధులకు రిపోర్ట్ చేయాలని హైదరాబాద్ జిల్లా ఎన్నికల అధికారి రొనాల్డ్ రోస్ ఆదేశాలు జారీ చేశారు. దీర్ఘకాలిక సెలవులతోపాటు విదేశీ ప్రయాణాల కోసం శాఖల అనుమతులు తీసుకున్న వారు కూడా ఎన్నికల విధుల్లోకి రావాలని సూచించారు.

ఉగ్ర దాడి.. 22 మంది మృతి

ఉగ్ర దాడి.. 22 మంది మృతి

సిరియాలో ఇస్లామిక్‌ స్టేట్‌ (ఐఎస్‌) ఉగ్రవాదుల ముఠా మరోసారి రెచ్చిపోయింది. బస్సుపై దాడి చేసి 22 మందిని హతమార్చింది. మృతులు అందరూ సిరియా ప్రభుత్వ అనుకూల ఖుద్స్‌ ఫోర్స్‌ సభ్యులని మీడియా పేర్కొంది. ఒకప్పుడు ఐఎస్‌ ఉగ్రవాదులకు గట్టిపట్టున్న సుఖ్నా పట్టణంలో ఈ దాడి జరిగింది. రష్యా మద్దతున్న పాలస్తీనా ఫైటర్లు(ఖుద్స్‌ ఫోర్స్‌) సిరియా ప్రభుత్వం తరఫున సాయుధ ఘర్షణల్లో పాల్గొంటున్నారు.

బాలీవుడ్‌లో ఆల్ టైమ్ రికార్డ్ సెట్‌ చేసిన 'పుష్ప'!

బాలీవుడ్‌లో ఆల్ టైమ్ రికార్డ్ సెట్‌ చేసిన 'పుష్ప'!

ఐకాన్‌ స్టార్‌ అల్లు అర్జున్‌ ‘పుష్ప : ది రూల్‌’ సినిమా విడుదలకు ముందే బాలీవుడ్‌లో రికార్డులు బద్దలు కొడుతోంది. ఈ సినిమా థియేట్రికల్ హక్కులను ప్రముఖ బాలీవుడ్ డిస్ట్రిబ్యూటర్ అనిల్ థడానీ రూ.200 కోట్లకు కొనుగోలు చేశారని తెలుస్తోంది. ఇది బాలీవుడ్‌లో ఆల్‌టైమ్ రికార్డ్ అని చెప్పవచ్చు. నాన్‌ హిందీ సినిమాను బాలీవుడ్‌లో అంత భారీ దక్కించుకోడం ఇదే తొలిసారి అని చెప్పవచ్చు.

చెమటతో ఇబ్బందులు పడుతున్నారా ?

చెమటతో ఇబ్బందులు పడుతున్నారా ?

చెమట సమస్యతో బాధపడేవారికి ఔషధ గుణాలున్న జ్యూసులు త్రాగడం మంచిదని ఆరోగ్య నిపుణులు అంటున్నారు. గోధుమగడ్డి జ్యూస్, టొమాటో రసంలో సి, బి6, బి12 విటమిన్లు, ఫోలికామ్లం, ఇతర ఖనిజాలు లభిస్తాయి. వీటితోపాటు పాలకూర, క్యాలీఫ్లవర్, పుచ్చకాయ, ద్రాక్ష, ఖర్బూజా.. వంటి కూరగాయలు, పండ్లు తీసుకోవడం తప్పనిసరి. ఇవి చెమటను తగ్గించడంతో పాటు జీవక్రియల్ని వేగవంతం చేస్తూ డీహైడ్రేషన్‌కు గురికాకుండా నివారిస్తుంది..