జమిలి ఎన్నికలపై మరో ముందడుగు పడనున్నట్లు తెలుస్తోంది. ప్రస్తుతం కొనసాగుతున్న పార్లమెంటు శీతాకాల సమావేశాల్లో లేదంటే వచ్చే సమావేశాల్లో దీనికి సంబంధించిన బిల్లును ప్రవేశపెట్టే అవకాశం ఉందని సంబంధిత వర్గాల సమాచారం. ఆ తర్వాత దీనిని జాయింట్‌ పార్లమెంటరీ కమిటీకి సిఫార్సు చేసే సూచనలు కనిపిస్తున్నాయి. జమిలి ఎన్నికలపై భిన్నాభిప్రాయాలు వ్యక్తమవుతోన్న వేళ.. దీనిపై ఏకాభిప్రాయం సాధించేందుకు ప్రభుత్వం ప్రయత్నిస్తున్నట్లు సమాచారం.
బాలికలు, యువతులు, మహిళలు గాజులు వేసుకోవడం, తీయడంలో కోన్నిసార్లు ఇబ్బందులు పడుతుంటారు. బిగుతుగా ఉన్న గాజులను తీసేందుకు విశ్వ ప్రయత్నాలు చేస్తుంటారు. అయితే ఈ సమస్యకు ఓ మహిళ చక్కటి పరిష్కారాన్ని కనుక్కుంది. చేతికి వేసిన గాజును ఎంతో సులభంగా తీయడం చూసి అంతా అవాక్కవుతున్నారు. ఈ వీడియో చూసిన వారంతా.. ‘‘ఈ ట్రిక్ ఏదో చాలా బాగుందే’’.. అంటూ కామెంట్లు చేస్తున్నారు.
AP: డిప్యూటీ సీఎం పవన్ కళ్యాణ్ పేషీకి బెదిరింపు కాల్స్ కేసును పోలీసులు ఛేదించారు. ఈ ఫోన్ కాల్స్ చేసిన నిందితుడ్ని పోలీసులు విజయవాడలో అరెస్ట్ చేశారు. నిందితుడిని విజయవాడలోని లబ్బిపేటలో పోలీసులు అదుపులోకి తీసుకున్నారు. నిందితుడిని విజయవాడకు చెందిన మల్లిఖార్జున రావుగా గుర్తించారు.
జిల్లా ADD వీడియో
శివాలయ ప్రదక్షిణానికీ నియమాలున్నాయ్..!
మంచు మనోజ్పై 10మంది దాడి చేసిన‌ట్లు తెలుస్తోంది. మ‌నోజ్‌కు సంబంధించిన మెడికల్ రిపోర్ట్ ఒకటి సోష‌ల్ మీడియాలో వైర‌ల్ అవుతోంది. అందులో డాక్ట‌ర్లు పేర్కొన్న ప్ర‌కారం.. మంచు మనోజ్పై జ‌ల్‌ప‌ల్లిలోని ఫామ్ హౌజ్ వ‌ద్ద ఆదివారం ఉద‌యం 9.30 గంట‌ల‌కు 10 మంది గుర్తుతెలియ‌ని దుండ‌గులు దాడి చేసిన‌ట్లు తెలుస్తోంది. ఈ దాడిలో మనోజ్ మెడ, కుడి కాలికి గాయాలైన‌ట్లు డాక్ట‌ర్లు పేర్కొన్నారు.
AP: డిప్యూటీ సీఎం పేషీకి బెదిరింపు కాల్స్ పై హోంమంత్రి అనిత డీజీపీకి ఫోన్ చేసి మాట్లాడారు. అదే నంబర్‌ నుంచి రెండురోజుల క్రితం హోంమంత్రికి కూడా కాల్ వచ్చినట్లుగా గుర్తించారు. పవన్ కల్యాణ్‌ పేషీకి బెదిరింపు కాల్ రావడంతో హోంమంత్రి నంబర్‌ చెక్‌ చేశారు. ఇద్దరు ఏపీ మంత్రులకు బెదిరింపు కాల్స్ రావడంతో ఆగంతకుడి కోసం పోలీసులు ముమ్మర గాలింపు చేపట్టారు.
చలికాలంలో జలుబు, గొంతునొప్పి, కండరాలనొప్పి వంటి సమస్యలు తలెత్తుతాయి. సీజన్ వ్యాధులు కూడా ప్రబలుతుంటాయి. అయితే ఏ రోగాలైనా రోగనిరోధక శక్తి తక్కువగా ఉన్నవారిపైనే దాడిచేస్తుంటాయి. అందుకే సీజనల్ వ్యాధులతో పోరాడాలంటే తగిన ఇమ్యూనిటీ పవర్‌ అవసరం. ‘బొప్పాయి’ని తినడంతో అది పుష్కలంగా లభిస్తుందని నిపుణులు అంటున్నారు. డెంగ్యూ పేషెంట్లకు ఇది మంచి ఔషధంగా పనిచేస్తుంది. లివర్‌ సమస్యలను, యాసిడ్ రిఫ్లెక్స్‌ను నివారిస్తుంది.
‘పుష్ప-2’ సినిమా స్టిల్స్‌తో ఢిల్లీలో అధికార పార్టీ ఆప్‌, బీజేపీల మధ్య పోస్టర్‌ వార్‌ నడుస్తోంది. కేజ్రీవాల్‌ ఫేస్‌తో ‘ఝుకేగా నహీ (తలవంచడు)’ అంటూ ఆప్‌ ఓ పోస్టర్‌ విడుదల చేసింది. మరోవైపు ‘అవినీతిపరులను అంతం చేస్తాం.. రప్పా-రప్పా’ అంటూ బీజేపీ సైతం ఓ పోస్టర్‌ను విడుదల చేసింది. ప్రస్తుతం ఈ వ్యవహారం దేశవ్యప్తంగా హాట్ టాపిక్‌గా మారింది.
AP: అల్లూరి జిల్లాలో విషాదం చోటుచేసుకుంది. పెదబయలు మండలం గడుగుపల్లిలో విద్యుదాఘాతంతో తల్లి, ఇద్దరు పిల్లలు ప్రాణాలు కోల్పోయారు. ఇంటిపైన బట్టలు ఆరవేస్తుండగా విద్యుత్‌ తీగలు తగిలి ఈ ప్రమాదం జరిగింది. ఈ ఘటనలో తల్లి కుర్రా లక్ష్మి (36), కుమారుడు సంతోష్‌ (13), కుమార్తె అంజలి (10) అక్కడికక్కడే ప్రాణాలు కోల్పోయారు.
అఖిల భారత సర్వీసుల్లో 1056 నియామకాల కోసం యూపీఎస్సీ నిర్వహించిన సివిల్స్‌ - 2024 మెయిన్స్ ఫలితాలు విడుదలయ్యాయి. సివిల్స్‌ ఇంటర్వ్యూలకు ఎంపికైన వారి జాబితాను UPSC అధికారిక వెబ్‌సైట్ upsc.gov.inలో చూడొచ్చు. కాగా, మెయిన్స్ పరీక్షలు ఈ ఏడాది సెప్టెంబర్ 20, 21, 22, 28, 29 తేదీలలో జరిగాయి.
తెలంగాణ తల్లి విగ్రహావిష్కరణ రోజు చరిత్రలో నిలిచిపోతుందని సీఎం రేవంత్‌రెడ్డి అన్నారు. సీఎం మాట్లాడుతూ.. ‘‘తెలంగాణ చరిత్ర, సంస్కృతి ఎన్నో ఏళ్లు అవహేళనకు గురైంది. ఉద్యమ రోజుల్లో ఎక్కడ విన్నా.. జయ జయహే తెలంగాణ వినిపించేది. కానీ రాష్ట్రం ఏర్పడిన తర్వాత ఆ పాటకు గౌరవం దక్కలేదు. అందుకే మేం ‘జయజయహే తెలంగాణను రాష్ట్ర గీతంగా ప్రకటించాం’’ అని సీఎం తెలిపారు.
మంచు మోహ‌న్ బాబు కుటుంబ వివాదం పోలీస్ స్టేష‌న్‌కు చేరింది. హీరో మంచు మనోజ్ పహాడిషరీఫ్ పోలీస్ స్టేషన్లో ఫిర్యాదు చేశారు. తనపై దాడి పట్ల చర్యలు తీసుకోవాలని పోలీసులకు మనోజ్ కంప్లైంట్ ఇచ్చారు. నిన్న బంజారాహిల్స్‌లోని ఓ ప్రైవేట్ ఆసుపత్రిలో దెబ్బలతో కుటుంబ సభ్యులతో మనోజ్ వెళ్లిన విష‌యం తెలిసిందే. మెడికల్ రిపోర్టులు ఆధారంగా పోలీసులకు
వన్ ప్లస్ ఫోన్‌తో పాటు యూజర్ మాన్యువల్ ఇవ్వనందుకు బెంగళూరుకు చెందిన రమేష్ అనే వ్యక్తి వినియోగదారుల ఫోరంను ఆశ్రయించాడు. దీనిపై విచారణ జరిపిన ఫోరం.. ఆ వ్యక్తికి రూ.5000 జరిమానాతో పాటు కోర్టు ఖర్చుల కింద రూ.1000 ఇవ్వాలని వన్ ప్లస్ ఇండియా కంపెనీని ఆదేశించింది. ఫోన్ కొనుగోలు చేసిన 4నెలల తరువాత మాన్యువల్ అందించడం పూర్తి నిర్లక్ష్యంగా ఫోరం పేర్కోంది.
కొందరు చూసేందుకు వృద్ధుల్లా కనిపిస్తున్నా వారు చేసే విన్యాసాలు చూస్తే యువకులు కూడా ఆశ్చర్యపోయేలా ఉంటాయి. తాజాగా ఇలాంటి
డిసెంబర్ 9 తెలంగాణ ప్రజలకు ఇష్టమైన రోజు అని సీఎం రేవంత్ పేర్కొన్నారు. ఈరోజు తెలంగాణ తల్లి విగ్ర‌హాన్ని ఆవిష్క‌రించ‌టం అదృష్టమ‌ని సీఎం తెలిపారు. గతంలో కేసీఆర్‌, విజ‌యశాంతి, ఆలె న‌రేంద్ర అప్ప‌టికి తగిన విధంగా తెలంగాణ త‌ల్లిని రూపొందించార‌ని అన్నారు. ఈరోజు రాజ‌కీయాల‌కు అతీతంగా పండుగ జ‌రుపుకోవాల‌న్నారు. గతంలో వివ‌క్ష‌కు గురైన క‌వులు, ఉద్య‌మ‌కారుల‌ను ఆర్థికంగా ఆదుకుంటామని సీఎం హామీ ఇచ్చారు.
తెలంగాణ సంస్కృతి, సంప్ర‌దాయానికి ప్ర‌తిరూపం తెలంగాణ తల్లి అని సీఎం రేవంత్ రెడ్డి అన్నారు. 4కోట్ల ప్ర‌జ‌ల ఆకాంక్ష‌ను గ‌త ప్రభుత్వం నిర్ల‌క్ష్యం చేసింద‌ని సీఎం ఆరోపించారు. తెలంగాణ ఉద్యమ స‌మ‌యంలో టీజీ అని యువకులు త‌మ గుండెల‌పై రాసుకుంటే.. బీఆర్ఎస్ మాత్రం టీజీని టీఎస్‌గా మార్చింద‌ని విమ‌ర్శించారు. కాంగ్రెస్ ప్రభుత్వం టీఎస్‌ని టీజీగా మార్చి ఉద్య‌మ‌కారుల ఆకాంక్ష‌ను నేరివేర్చింద‌ని సీఎం తెలిపారు.
TG: నీళ్లు, నిధులు, నియామకాల కోసం తెలంగాణ తెచ్చుకున్నామని ఉపముఖ్యమంత్రి భట్టి విక్రమార్క పేర్కొన్నారు. సచివాలయ ప్రాంగణంలో తెలంగాణ తల్లి విగ్రహావిష్కరణ అనంతరం మాట్లాడుతూ.. ‘ డిసెంబర్ 9వ తేదీకి ఎంతో ప్రత్యేకత ఉంది. తెలంగాణ ఇస్తున్నట్లు కేంద్రం నుంచి తొలి ప్రకటన డిసెంబర్ 9నే వచ్చింది. ప్రతి ఏడాది డిసెంబర్ 9న తెలంగాణ తల్లి ప్రతిష్ఠ ఉత్సవంగా జరుపుకుంటాము’ అని అన్నారు.
ఆగ్నేయ బంగాళాఖాతంలో అల్పపీడన ప్రభావంతో రేపు ఏపీలో పలు జిల్లాల్లో వర్షాలు కురిసే అవకాశం ఉందని వాతావరణ కేంద్రం తెలిపింది. అల్లూరి సీతారామరాజు, కాకినాడ, కోనసీమ, పశ్చిమగోదావరి, కృష్ణా, నెల్లూరు, కర్నూలు,నంద్యాల, అనంతపురం, శ్రీ సత్యసాయి, వైఎస్ఆర్ జిల్లాల్లో కొన్నిచోట్ల తేలికపాటి వర్షాలు పడే అవకాశం ఉందని పేర్కొంది. కాగా ధాన్యం తడవకుండా జాగ్రత్తలు తీసుకోవాలని ఇప్పటికే ప్రభుత్వం రైతులకు సూచించింది.
సిరియా నుంచి అధ్యక్షుడు బషర్ తప్పుకున్నారు. రష్యాలో ఆశ్రయం పొందుతున్నారు. అయితే భారత్‌కు ఇది ఒక పరీక్షా సమయంగా మారింది. బషర్ అల్‌ అసద్‌ భారత్‌కు నమ్మకమైన స్నేహితుడిగా ఉండేవారు. ప్రత్యేకించి భారత్‌తో పలు వాణిజ్య ఒప్పందాలు కుదుర్చుకున్నారు. ఇప్పటివరకు ఎలాంటి ఒడుదొడుకులు లేకుండా ఆ దేశంతో స్నేహబంధం కొనసాగింది. బషర్ లేకపోవడంతో సిరియాతో భారత్ సంబంధాలు ఎలా ఉంటాయనేది ఆసక్తికరంగా మారింది.
శరవణన్‌ ఆరుళ్ హీరోగా దురై సెంథిల్ కుమార్‌‌తో ఓ సినిమా చేస్తున్నాడు. ఈ సినిమాలో పాయల్‌ రాజ్‌పుత్‌ హీరోయిన్‌గా నటిస్తోంది. ప్రస్తుతం షూటింగ్ దశలో ఉన్న ఈ సినిమాకు సంబంధించి క్రేజీ అప్‌డేట్ అందించారు మేకర్స్‌. ఈ మూవీ చిత్రీకరణ ప్రస్తుతం జార్జియాలో కొనసాగుతోంది. లొకేషన్‌లో శరవణన్‌, పాయల్‌ రాజ్‌పుత్‌, డైరెక్టర్‌ అండ్ టీం దిగిన ఫొటోలు నెట్టింట చక్కర్లు కొడుతున్నాయి.
విక్రమ్‌ హీరోగా ఎస్‌.యు.అరుణ్‌కుమార్‌ తెరకెక్కిస్తున్న చిత్రం ‘వీర ధీర శూరన్‌’. ఈ మూవీ టీజర్‌(తమిళ వర్షన్) తాజాగా విడుదలైంది. టీజర్‌లో యాక్షన్ సీన్స్, బ్యాక్‌గ్రౌండ్‌ స్కోర్‌ ఆకట్టుకునేలా ఉన్నాయి. 2025 జనవరిలో ఈ సినిమా ప్రేక్షకుల ముందుకు రానుంది. ఇందులో దుషారా విజయన్‌, ఎస్‌.జె.సూర్య కీలక పాత్రలు పోషిస్తున్నారు.
AP: ఏపీ డిప్యూటీ సీఎం పవన్ కల్యాన్‌ పేషీకి బెదిరింపు కాల్స్ వచ్చాయి. చంపేస్తామని హెచ్చరిస్తూ ఆగంతకుడి నుంచి ఫోన్ కాల్స్ వచ్చాయి. అభ్యంతరకర భాషతో హెచ్చరిస్తూ ఆగంతకుడు సందేశాలు పంపించాడు. పేషీ సిబ్బంది.. బెదిరింపు కాల్స్, సందేశాలను పవన్ కల్యాణ్‌ దృష్టికి తీసుకెళ్లారు. పోలీసులకు సైతం సమాచారం అందించారు.
వరుణ్ ధావన్‌-కీర్తి సురేశ్‌ జంటగా నటిస్తోన్న బాలీవుడ్ చిత్రం ‘బేబీ జాన్‌’. వామికా గబ్బీ, జాకీ ష్రాఫ్‌ కీలక పాత్రలు పోషిస్తున్నారు. కాలీస్‌ దర్శకత్వం వహించిన ఈ సినిమా క్రిస్మస్‌ కానుకగా ఈ నెల 25న ప్రేక్షకుల ముందుకు రానుంది. ఈ సందర్భంగా చిత్ర బృందం ట్రైలర్‌‌ను తాజాగా విడుదల చేసింది. ఇందులో వరుణ్ యాక్షన్ సీన్స్ అందిరిపోయిందని చెప్పాలి.