AP: టీడీపీ కార్యాలయంపై దాడి కేసులో ప్రధాన నిందితుడు పానుగంటి చైతన్య మంగళగిరి కోర్టులో నేడు లొంగిపోయాడు. ఆయన వైసీపీ విద్యార్థి విభాగం రాష్ట్ర అధ్యక్షుడిగా ఉన్నాడు. గతంలో టీడీపీ కార్యాలయంపై దాడిలో ప్రత్యక్షంగా పాల్గొన్నాడు. కూటమి ప్రభుత్వం రాగానే అజ్ఞాతంలోకి వెళ్లిపోయాడు. చైతన్య.. ఎమ్మెల్సీ లేళ్ల అప్పిరెడ్డికి ప్రధాన అనుచరుడు.
AP: ప్రజాప్రతినిధులుగా ఉన్నంత కాలం పరిపాలన, రాజకీయాలు వేర్వేరుగా చూడాలని డిప్యూటీ సీఎం పవన్ కళ్యాణ్ పేర్కొన్నారు. కృష్ణా జిల్లా కంకిపాడులో నిర్వహించిన ‘పల్లె పండుగ’ కార్యక్రమంలో ఆయన మాట్లాడారు. "వైసీపీ హయాంలో151 మంది ఎమ్మెల్యేలు ఉండేవారు. వారెప్పుడైనా ప్రజల సమస్యలపై ఇలా స్పందించారా?. ఎంతసేపు వారి నోటి వెంట బూతులు తప్ప, ప్రజల సమస్యల పరిష్కారంపై చిత్తశుద్ధి కానరాలేదు"అని పవన్ విమర్శించారు.
భద్రత కోసం ఓ వ్యక్తి తన ఇంట్లో సీసీ కెమెరాలు ఏర్పాటు చేశాడు. అయితే చివరకు తన భార్య చేసిన నిర్వాకం తెలుసుకుని షాక్ అయ్యాడు. గుర్తు తెలియని యువకుల్ని తన భార్యే ఇంట్లోకి ఆహ్వానించడం చూసి ఖంగుతిన్నాడు. ఈ
జిల్లా ADD వీడియో
శివాలయ ప్రదక్షిణానికీ నియమాలున్నాయ్..!
TG: మౌలాలిలోని ప్రొఫెసర్ సాయిబాబా భౌతికకాయానికి బీఆర్ఎస్ వర్కింగ్ ప్రెసిడెంట్ కేటీఆర్ నివాళులర్పించారు. అయితే అంతకుముందు నివాళులర్పించడానికి వస్తున్న సమయంలో గో బ్యాంక్ కేటీఆర్ అంటూ క్రామేడ్స్ నినాదాలు చేశారు. పదేళ్ల పాటు సాయిబాబా జైల్లో ఉంటే బీఆర్ఎస్ ఏం చేసిందని ప్రశ్నించారు. ఈరోజు నివాళులర్పించడానికి ఎలా వస్తారంటూ నిలదీశారు.
డీమార్ట్‌ పేరిట రిటైల్‌ వ్యాపారం నిర్వహిస్తున్న అవెన్యూ సూపర్‌మార్ట్స్‌ లిమిటెడ్‌ షేర్లు క్షీణించాయి. సెప్టెంబర్‌తో ముగిసిన త్రైమాసికానికి ప్రకటించిన ఫలితాల్లో మదుపర్లను మెప్పించడంలో కంపెనీ విఫలమవడంతో సోమవారం ఉదయం 9% మేర క్షీణించాయి. దీంతో కంపెనీ మార్కెట్ విలువ రూ.27 వేల కోట్ల మేర ఆవిరైంది. మరోవైపు క్విక్‌ కామర్స్‌ సంస్థల నుంచి డీమార్ట్‌కు ఎదురవుతున్న పోటీ కూడా మరో కారణమని విశ్లేషకులు చెబుతున్నారు.
ఢిల్లీ ప్రభుత్వం కీలక నిర్ణయం తీసుకుంది. ఈ ఏడాది సైతం దేశ రాజధానిలో బాణాసంచా తయారీ, విక్రయాలు, నిల్వ, వినియోగంపై నిషేధం విధించింది. శీతాకాలం నేపథ్యంలో కాలుష్యాన్ని అరికట్టేందుకు ఈ నిర్ణయం తీసుకుంది. దీపావళి నేపథ్యంలో ఆన్లైన్ డెలివరీలతో సహా అన్నిరకాల బాణాసంచా అమ్మకాలు, నిల్వ, తయారీ, కాల్చడంపై నిషేధం విధించింది. ఈ మేరకు ఢిల్లీ కాలుష్యనియంత్రణ కమిటీ ఉత్తర్వులు జారీ చేసింది.
ప్రభాస్ - మారుతి కాంబోలో సిద్ధమవుతోన్న చిత్రం ‘రాజా సాబ్’. రొమాంటిక్‌ హారర్‌ కామెడీ నేపథ్యంలో ఇది తెరకెక్కుతోంది. పీపుల్‌ మీడియా ఫ్యాక్టరీ పతాకంపై టీజీ విశ్వప్రసాద్‌ ఈ చిత్రాన్ని నిర్మిస్తున్నారు. నిధి అగర్వాల్, రిద్ధి కుమార్, మాళవిక మోహన్ కథానాయికలుగా నటిస్తున్నారు. అక్టోబర్‌ 23 నుంచి ఈ సినిమా నుంచి వరుస అప్‌డేట్స్ ఉంటాయని నిర్మాత SKN వెల్లడించారు.
AP : అల్పపీడనం ప్రభావం కారణంగా తిరుమలలో కుండపోత వర్షం కురుస్తోంది. ఈ క్రమంలోనే ఉదయం నుంచి తిరుమల కొండపై ఎడతెరపి లేకుండా వర్షం కురుస్తుండటంతో భక్తులు అవస్థలు పడుతున్నారు. దీంతో తిరుమలలోని మాడ వీధులన్నీ జలమయం అయ్యాయి. శ్రీవారి దర్శనం అనంతరం బయటకు వచ్చే భక్తులు పూర్తిగా తడుస్తూ ఆలయం నుంచి బయటకు వెళ్తున్నారు. అక్కడ షెడ్లు లేకపోవడంతో తీవ్ర ఇబ్బందులు పడుతున్నారు.
TG: సంగారెడ్డి జిల్లా నారాయణఖేడ్ మండలం సంజీవరావుపేటలో కలుషిత తాగునీటి ఘటనపై ప్రభుత్వం సీరియస్ అయ్యింది. విధుల్లో అలసత్వం వహించిన మిషన్‌భగీరథ ఇద్దరు ఏఈలను సస్పెండ్ చేసింది. మిషన్ భగీరథ మోటర్ పాడైన నేపథ్యంలో బావి నుంచి తాగునీరు సరఫరా చేసినప్పుడు ఎలాంటి పరీక్షలు నిర్వహించకుండా.. పైఅధికారులకు కనీస సమాచారం లేకుండా నీటిని సరఫరా చేసిన గ్రామపంచాయతీ కార్యదర్శిపైనా చర్యలు తీసుకోవాలని నిర్ణయించింది.
తమిళ నటుడు సూర్య నటిస్తున్న లేటెస్ట్ మూవీ ‘కంగువా’. ఈ మూవీ వరల్డ్‌వైడ్‌గా నవంబరు 14న థియేటర్స్‌లో రిలీజ్ కానుంది. అయితే తాజాగా ఈ మూవీ ప్రీరిలీజ్ ఈవెంట్‌కి ప్రభాస్ గెస్ట్‌గా వస్తున్నట్లు టాక్. ముఖ్యంగా కంగువా నిర్మాణ భాగస్వామి నుంచి డార్లింగ్‌కు ఆహ్వానం అందినట్లు తెలుస్తోంది. అదే నిజమైతే ఇద్దరు స్టార్స్‌ను ఒకే వేదిక మీద చూసే అవకాశం అభిమానులకు దక్కుతుంది.
HYD: దసరా సెలవులకు సొంతూళ్లకు వెళ్లిన జనం హైదరాబాద్‌కు తిరుగు ప్రయాణం కట్టారు. దీంతో కరీంనగర్ నుంచి హైదరాబాద్ వచ్చే మార్గం మధ్యలో దుద్దెడ టోల్ ప్లాజా వద్ద రెండు కిలోమీటర్ల మేర వాహనాలు కిక్కిరిసిపోయాయి. APనుంచి ఉమ్మడి నల్లగొండ మీదుగా హైదరాబాద్‌కు వచ్చే ప్రధాన రహదారిపై భారీగా ట్రాఫిక్ జామ్ నెలకొంది. చౌటుప్పల్ పంతంగి టోల్‌ప్లాజా వద్ద వాహనాలు బారులు తీరాయి.
AP: కృష్ణా జిల్లా కంకిపాడులో నిర్వహించిన ‘పల్లె పండుగ’కార్యక్రమంలో అభిమానులు ‘ఓజీ’నినాదాలు చేస్తుండంతో డిప్యూటీ సీఎం పవన్ కల్యాణ్ స్పందించారు. ‘‘ముందు బాధ్యత.. ఆ తర్వాత వినోదం. సినిమాల్లో ఎవరితోనూ పోటీ పడను. ఒక్కో స్థాయిలో ఒక్కొక్కరు నిష్ణాతులు. అందరూ బాగుండాలని కోరుకునేవాడిని నేను. బాలకృష్ణ, చిరంజీవి, మహేశ్‌బాబు, ఎన్టీఆర్‌, అల్లు అర్జున్‌, రాంచరణ్‌, నాని.. ఇలా అందరూ బాగుండాలి’’పవన్ కల్యాణ్ వ్యాఖ్యానించారు.
ఢిల్లీలోని భారత్ మండపంలో ఏర్పాటుచేసిన గ్లోబల్‌ స్టాండర్డ్స్‌ సింఫోజియంలో కేంద్ర మంత్రి జ్యోతిరాధిత్య సింధియా కీలక వ్యాఖ్యలు చేశారు. 5జీ సాంకేతికత 2040 నాటికి భారత ఆర్థిక వ్యవస్థలోకి అదనంగా 450 బిలియన్‌ డాలర్ల సొమ్మును తీసుకొస్తుందని పేర్కొన్నారు. భారత్‌లో ఈ టెక్నాలజీ ఇప్పటికే 80శాతం ప్రజలకు అందుబాటులోకి వచ్చిందన్నారు.
AP: రాష్ట్ర ప్రజలకు డిప్యూటీ సీఎం పవన్ కళ్యాణ్ శుభవార్త చెప్పారు. జాతీయ ఉపాధి హామీ పథకంలో పనిచేసే వారికి 15 రోజుల్లోపు పని కల్పించడం ప్రభుత్వ బాధ్యత అన్నారు. వారికి రూ.8100 నెలకు ఇస్తామని ప్రకటించారు. కంకిపాడులో జరిగే పల్లె పండుగ వారోత్సవాల్లో పాల్గొన్న పవన్ కల్యాణ్.. ఈ సందర్భంగా ప్రసగించారు.
AP: పాలన ఎలా చేయాలన్న అంశంలో తనకు సీఎం చంద్రబాబు స్ఫూర్తి అని డిప్యూటీ సీఎం పవన్ కల్యాణ్ తెలిపారు. కృష్ణా జిల్లాలోని కంకిపాడులో నిర్వహించిన ‘పల్లె పండుగ-పంచాయతీ వారోత్సవాలు’ కార్యక్రమంలో ఆయన మాట్లాడారు. ‘‘ప్రస్తుతం రాష్ట్రానికి ఉన్న బలమేంటంటే చంద్రబాబుకు ఉన్న అపార అనుభవం. రూ.4,500 కోట్ల నిధులు విడుదల చేస్తున్నాం. లంచాల ప్రభుత్వం కాదిది.. నిలబడే ప్రభుత్వమిది’’అని పవన్ తెలిపారు.
అదృష్టం బాగుంటే ఎంత పెద్ద ప్రమాదం జరిగినా ఏమీ కాదు. . తాజాగా ఇలాంటి ఘటనకు సంబంధించిన
AP : TDPకేంద్ర కార్యాలయంపై దాడి కేసులో YCPనేతలు లేళ్ల అప్పిరెడ్డి, తలశిల రఘురాం, దేవినేని అవినాష్ పోలీసుల విచారణకు హాజరయ్యారు. మంగళగిరి గ్రామీణ పోలీసుస్టేషన్‌లో ఈ ముగ్గురు YCPనేతలను విచారిస్తున్నారు. మరోవైపు ఈ కేసును వేగంగా విచారించేందుకు ఇటీవల CIDకి అప్పగిస్తున్నట్లు ఉత్తర్వులు జారీ చేశారు. కానీ కొన్ని సాంకేతిక కారణాలతో అప్పగించడంలో ఆలస్యం జరుగుతున్న నేపథ్యంలో మంగళగిరి పోలీసులు విచారణను కొనసాగిస్తున్నారు.
ఢిల్లీ లిక్కర్‌ పాలసీ కేసులో అరెస్టైన అభిషేక్ బోయినపల్లికి సుప్రీంకోర్టు రెగ్యులర్‌ బెయిల్ మంజూరు చేసింది. 2023, జూలై 3న ఢిల్లీ హైకోర్టు అతని బెయిల్ పిటిషన్‌ను తిరస్కరించింది. దీంతో అభిషేక్ సుప్రీంకోర్టును ఆశ్రయించాడు. మార్చిలో అభిషేక్ సుప్రీంకోర్టు మధ్యంతర బెయిల్ మంజూరు చేయగా..దానిని చివరిసారిగా ఆగస్టులో పొడిగించింది. తాజాగా అభిషేక్ బెయిల్ పిటిషన్‌పై విచారణ చేపట్టిన సుప్రీకోర్టు.. రెగ్యులర్‌ బెయిల్ మంజూరు చేసింది.
ఏపీలో మరో 4 రోజులు వర్షాలు కురుస్తాయని వాతావరణ శాఖతెలిపిందని సీఎం చంద్రబాబు చెప్పారు. దీంతో వర్షాలపై కలెక్టర్లు, మంత్రులు, అధికారులతో నిర్వహించిన టెలీ కాన్ఫరెన్స్‌లో సీఎం చంద్రబాబు మాట్లాడారు. వర్షాలపై ప్రజల మొబైల్‌ ఫోన్లకు మెసేజ్‌లు పంపి అలర్ట్‌ చేయాలన్నారు. వాగులు, కాలువల వద్ద అవసరమైన హెచ్చరిక బోర్డులు పెట్టాలని ఆదేశించారు.
కిరణ్‌ అబ్బవరం హీరోగా నటిస్తోన్న చిత్రం ‘క’. ఈ మూవీ అక్టోబర్‌ 31న ప్రేక్షకుల ముందుకు రానున్నట్లు మేకర్స్ తెలిపారు.
దివంగత రతన్‌ టాటాపై టాటా సన్స్‌ ఛైర్మన్ చంద్రశేఖరన్‌ ఎమోషనల్ పోస్టు పెట్టారు. ‘‘వ్యాపారపరంగా మొదలైన మా ప్రయాణం వ్యక్తిగతంగా బలపడింది. ఉద్యోగులు, వారి కుటుంబ సభ్యుల శ్రేయస్సును కాంక్షిస్తూ నిర్ణయాలు తీసుకునే తత్వం టాటాది. టాటా ఎక్కడికి వెళ్లినా అక్కడ జరిగిన ప్రతి చిన్న విషయం గుర్తుంచుకునేవారు’’ అని ఆయన తెలిపారు.
HYD : సచివాలయంలో తెలంగాణలోని వికలాంగుల జాబ్ పోర్టల్‌ను మంత్రి సీతక్క ఆవిష్కరించారు. అనంతరం మహిళా సంక్షేమశాఖ డైరెక్టరేట్ హెల్ప్ లైన్‌లో పది మందికి అపాయింట్మెంట్ ఆర్డర్లు అందజేశారు. ఈ సందర్భంగా మంత్రి సీతక్క మాట్లాడుతూ… ఉపాధి రంగాల్లో దివ్యాంగులకు అవకాశాలు తక్కువ అన్నారు. అందుకే వాళ్లకి ఉపాధి కల్పించేందుకు ఆన్లైన్ జాబ్ పోర్టల్ ప్రారంభిస్తున్నామని తెలిపారు.సంక్షేమ నిధుల్లో 5శాతం దివ్యాంగులకు కేటాయిస్తున్నామని వివరించారు.
మహిళల టీ20 ప్రపంచకప్‌లో భారత్ సెమీస్ అవకాశాలను సంక్లిష్టం చేసుకుంది. దీంతో నేడు గ్రూప్‌-ఎ చివరి మ్యాచ్‌లో న్యూజిలాండ్‌తో జరిగే మ్యాచ్‌లో పాకిస్థాన్ గెలవాలని భారత్ అభిమానులు కోరుకుంటున్నారు. ఈ మ్యాచ్‌లో ఒకవేళ న్యూజిలాండ్ గెలిస్తే మాత్రం టీమ్ఇండియా ఇంటిముఖం పట్టినట్లే. ఇప్పటికే గ్రూప్‌ Aలో ఆస్ట్రేలియా నాలుగు విజయాలతో సెమీస్‌కు దూసుకెళ్లింది.
జార్ఖండ్ రాష్ట్రంలో దారుణ ఘటన చోటుచేసుకుంది. పాలము జిల్లాలో దుర్గామాత జాతరకు వెళ్లి ఇంటికి తిరిగి వస్తున్న ఇద్దరు దళిత బాలికలపై ఆరుగురు నిందితులు సామూహిక అత్యాచారానికి పాల్పడిన ఘటన ఆలస్యంగా వెలుగులోకి వచ్చింది. వారి నుంచి తప్పించుకున్న బాలికలు జరిగిన విషయాన్ని కుటుంబసభ్యులకు చెప్పడంతో పోలీసులకు ఫిర్యాదు చేశారు. దీంతో పోలీసులు నలుగురు నిందితులను అరెస్ట్ చేయగా..మరో ఇద్దరి కోసం గాలిస్తున్నారు.
AP: సీఎం చంద్రబాబు ఆదేశాల మేరకు మద్యం దుకాణాల లాటరీ ప్రక్రియను పారదర్శకంగా నిర్వహిస్తున్నట్లు ఎక్సైజ్ శాఖ ముఖ్య కార్యదర్శి ముఖేష్ కుమార్ మీనా తెలిపారు. కలెక్టర్ల ప్రత్యక్ష పర్యవేక్షణలో దీన్ని నిర్వహిస్తున్నామన్నారు. ఎవరైనా బెదిరింపులకు పాల్పడితే నేరుగా జిల్లా కలెక్టర్‌కి ఫిర్యాదు చేయవచ్చని చెప్పారు. లాటరీ సమయంలో దరఖాస్తుదారు హాజరు తప్పనిసరి కాదన్నారు. వారికి లాటరీ తగిలితే అధికారులు సమాచారం అందజేస్తారన్నారు.
ఉపేంద్ర స్వీయ దర్శకత్వంలో తెరకెక్కుతున్న చిత్రం ‘యూఐ’డిసెంబర్‌ 20న ప్రపంచవ్యాప్తంగా విడుదల చేయనున్నట్లు మేకర్స్ ప్రకటించారు.
HYD: సికింద్రాబాద్ మోండా మార్కెట్ ముత్యాలమ్మ తల్లి ఆలయం వద్ద హై టెన్షన్ నెలకొంది. అమ్మవారి విగ్రహాన్ని గుర్తు తెలియని వ్యక్తులు ధ్వంసం చేశారు. బాధ్యులను కఠినంగా శిక్షించాలంటూ హిందూ సంఘాలు ఆందోళన చేపట్టాయి. BJP కార్పొరేటర్లు, VHP, భజరంగదళ్ కార్యకర్తలు రోడ్డుపై బైఠాయించి నిరసనకు దిగాయి. ఈ క్రమంలో అక్కడ ఎలాంటి అవాంఛనీయ సంఘటనలు జరగకుండా పోలీసులు భారీగా మోహరించారు.
టీమ్ఇండియా హెడ్ కోచ్ గంభీర్ బర్త్ డే నేడు. ఈ సందర్భంగా ఆయనకు ఢిల్లీ క్యాపిటల్స్ స్పెషల్ విషెస్ తెలిపింది. ‘తన పనిపట్ల ఎంతో కమిటెడ్‌గా ఉంటారు. పేరుకు తగ్గట్లు అంత గంభీరంగా ఉండరు.. కానీ బెస్ట్ టీచర్’ అని తెలుపుతూ ఓ ఫొటోను పోస్ట్ చేసింది. పైన తెలిపిన వాటిలో పట్టు సాధించిన లెజెండ్‌కు పుట్టినరోజు శుభాకాంక్షలు’ అని ట్వీట్‌లో రాసుకొచ్చింది.
AP: రాష్ట్రవ్యాప్తంగా ‘పల్లె పండుగ’ కార్యక్రమానికి కూటమి ప్రభుత్వం శ్రీకారం చుట్టింది. ఈ నేపథ్యంలో కృష్ణా జిల్లా కంకిపాడులో నిర్వహించిన ‘పల్లె పండుగ’కు డిప్యూటీ సీఎం పవన్‌కల్యాణ్ హాజరయ్యారు. ఈ సందర్భంగా కంకిపాడులో రూ.95.15 లక్షలతో రోడ్లు, మినీ గోకులాల నిర్మాణానికి శంకుస్థాపన చేశారు. అలాగే పునాదిపాడులో రూ.52 లక్షలతో 2 అంతర్గత రహదారుల నిర్మాణానికి శంకుస్థాపన చేశారు.
ముంబై–హౌరా మెయిల్‌కు సోమవారం ఉదయం ఆఫ్‌–కంట్రోల్‌కు మెయిల్‌ ద్వారా బాంబు బెదిరింపులు వచ్చాయి. అందులో 12809నంబర్‌ గల రైలును టైమర్‌ బాంబుతో పేల్చేస్తామని గుర్తుతెలియని వ్యక్తులు బెదిరింపులకు పాల్పడ్డారు. అప్రమత్తమైన రైల్వేఅధికారులు ట్రైన్‌ను జల్గావ్‌ స్టేషన్‌ వద్ద ఆపి తనిఖీలు చేపట్టారు. బాంబు స్క్వాడ్‌, డాగ్‌ స్క్వాడ్‌తో విస్తృతంగా తనిఖీలు చేశారు. అయితే ఈ సోదాల్లో ఎలాంటి అనుమానాస్పద వస్తువూ కనిపించలేదని సమాచారం.
పాకిస్థాన్ క్రికెట్‌ బోర్డు తీరుపై ఇంగ్లాండ్ మాజీ కెప్టెన్‌ మైకేల్ వాన్‌ ఫైర్ అయ్యాడు. ‘‘చాలా కాలం నుంచి పాకిస్థాన్ ఇప్పటివరకు ఒక్క టెస్టు కూడా గెలవలేదు. అయినప్పటికీ అత్యుత్తమ ఆటగాడు బాబర్‌ ఆజంను తప్పించింది. ఇంతకంటే తెలివి తక్కువతనం, మూర్ఖత్వం మరొకటి ఉండదు!’’ అని సెలక్టర్ల తీరును ఆయన తప్పుబట్టారు.
AP: తూర్పు గోదావరి జిల్లాలో మంత్రి కందుల దుర్గేశ్‌కు నిరసన సెగ తగిలింది. నిడదవోలు నియోజకవర్గం కంసాలిపాలెంలో ‘పల్లె పండుగ’ కార్యక్రమానికి హాజరైన మంత్రిని టీడీపీ నాయకులు అడ్డుకున్నారు. అధికారంలోకి వచ్చినప్పటి నుంచి తమను పట్టించుకోవటం లేదని మంత్రిని టీడీపీ నేతలు నిలదీశారు. మంత్రి దుర్గేశ్ ఎదుటే టీడీపీ, జనసేన నేతలు ఘర్షణకు దిగారు.
మలయాళ చిత్రపరిశ్రమకు చెందిన ప్రముఖ నటుడు బాలాను పోలీసులు సోమవారం అరెస్ట్ చేశారు. సోషల్‌మీడియా ద్వారా తనతోపాటు తన కుమార్తె పరువు తీస్తున్నాడన్న ఆయన మాజీ భార్య అమృతా సురేశ్ ఫిర్యాదు మేరకు కొచ్చిలోని కడవంట్ర పోలీసులు బాలాను అరెస్ట్ చేశారు. జువైనల్ జస్టిస్ చట్టం కింద కేసు నమోదు చేసిన పోలీసులు.. ఈ తెల్లవారుజామున ఆయన్ను అదుపులోకి తీసుకున్నారు.
HYD: ప్రొఫెసర్ సాయిబాబా పార్థీవదేహానికి పూలమాల వేసి మాజీ మంత్రి హరీష్ రావు నివాళి అర్పించారు. ఆయన కుటుంబ సభ్యులకు ప్రగాఢ సానుభూతి వ్యక్తం చేశారు. నిర్దోషిగా బయటికి వచ్చి స్వేచ్ఛావాయువులు పీల్చే సమయంలో ఇలా జరగటం బాధాకరమని హరీష్‌రావు ఆవేదన వ్యక్తం చేశారు. సాయిబాబా తన కళ్లు, శరీరాన్ని గాంధీ ఆసుపత్రికి డొనేట్ చేస్తూ ఆదర్శంగా నిలిచారని హరీష్‌రావు జోహార్లు అర్పించారు.
త్వరలో మహారాష్రలో అసెంబ్లీ ఎన్నికలు జరగనున్నాయి. దీంతో మహారాష్ట్ర సీఎం ఏక్‌నాథ్‌ షిండే టోల్ ఫీజుల వసూలుకు సంబంధించి కీలక నిర్ణయం ప్రకటించారు. ముంబయికి వెళ్లే మార్గంలోని మొత్తం ఐదు టోల్ బూత్‌ల వద్ద లైట్‌ మోటార్‌ వాహనాలకు టోల్ ఫీజులను వసూలు చేయబోమని తెలిపారు. కార్లు, ఎస్‌యూవీలకు మాత్రమే ఈ నిర్ణయం వర్తిస్తుంది. సోమవారం అర్ధరాత్రి నుంచి ఇది అమల్లోకి రానుంది.