ప్రకాశం: మార్కాపురం పట్టణంలోని శివారి ప్రాంతంలో పేకాట స్థావరంపై పట్టణ ఎస్సై సైదు బాబు దాడి చేశారు. ముందస్తు సమాచారం మేరకు దాడి చేసి నలుగురు వ్యక్తులని అదుపులోకి తీసుకున్నారు. వారి నుంచి నాలుగు బైకులు, రూ.2,540 నగదు, నాలుగు సెల్ ఫోన్లు స్వాధీనం చేసుకొని కేసు నమోదు చేసినట్లు తెలిపారు.
తెలంగాణలో రూ.3 వేల కోట్ల పారిశ్రామిక మండలిని ఏర్పాటు చేస్తామని ఐటీ మంత్రి శ్రీధర్ బాబు తెలిపారు. జహీరాబాద్లో ఏర్పాటు చేసేందుకు కేంద్ర ప్రభుత్వం ఇటీవల సంసిద్ధత తెలిపిందని వెల్లడించారు. వ్యాపార, పారిశ్రామిక సంస్థల ఏర్పాటుకు అవసరమైన మౌలిక సదుపాయాలు రాష్ట్రంలో సమృద్ధిగా ఉన్నాయని చెప్పారు.
తెలంగాణకు నాలుగు మెడికల్ కాలేజీలను కేటాయిస్తూ కేంద్ర నిర్ణయం తీసుకోవడంపై రాష్ట్ర వైద్యారోగ్య శాఖ మంత్రి దామోదర రాజనర్సింహ హర్షం వ్యక్తం చేశారు. మెడికల్ కాలేజీలు మంజూరు చేసిన కేంద్రానికి, మంజూరు చేసేలా కృషిచేసిన సీఎం రేవంత్రెడ్డికి కృతజ్ఞతలు తెలిపారు. ఈ ఏడాది మొత్తం 8 ప్రభుత్వ మెడికల్ కాలేజీలను సర్కార్ సాధించిందని, మొత్తంగా 400 ఎంబీబీఎస్ సీట్లు అందుబాటులోకి వచ్చాయని ఆయన వెల్లడించారు.
జిల్లా ADD వీడియో
శివాలయ ప్రదక్షిణానికీ నియమాలున్నాయ్..!
సత్యవేడు ఎమ్మెల్యే కోనేటి ఆదిమూలం హైకోర్టును ఆశ్రయించారు. తనపై నమోదు చేసిన లైంగిక వేధింపులు కేసు కొట్టేయాలని ధర్మాసనాన్ని కోరారు. ప్రాథమిక విచారణ లేకుండా కేసు నమోదు చేశారని పిటిషన్ వేశారు. జూలై, ఆగస్టు నెలలో ఘటన జరిగితే ఇంత ఆలస్యంగా ఎందుకు ఫిర్యాదు చేశారని పేర్కొన్నారు. కాగా, ఇటీవల ఓ మహిళ తనపై జరిగిన లైంగిక దాడి వీడియోను బయటపెట్టింది.
ఏపీకి కియా మోటార్స్ ఇండియా విభాగం భారీ విరాళంతో ముందుకొచ్చింది. వరదల్ల నుంచి రిలీఫ్ పొందేందుకు తమ వంతుగా రూ.3 కోట్ల చెక్ను కియా మోటార్స్ సీఏఓ కాబ్ డాంగ్ లీ సీఎం చంద్రబాబుకు అందించారు. కష్ట సమయంలో ఇచ్చిన విరాళం ఎంతో ఉపయోగపడుతోందని సీఎం వారికి ధన్యవాదాలు తెలిపారు.
TG: హైడ్రాకు ప్రత్యేకంగా పోలీసు సిబ్బందిని ప్రభుత్వం కేటాయించింది. 15 మంది సీఐ స్థాయి, 8 మంది ఎస్ఐ అధికారులను కేటాయిస్తూ ఉత్తర్వులు రిలీజ్ చేసింది.
ట్రాఫిక్ పోలీసులు బైక్ ఆపారని ఓ యువకుడు మనస్థాపం చెంది ఆత్మహత్యకు ప్రయత్నించాడు. శంషాబాద్ పరిధిలోని తొండుపల్లి వద్ద ఈ ఘటన జరిగింది. మద్యం మత్తులో బైక్ నడుపుతున్న వ్యక్తిని పోలీసులు అడ్డుకున్నారు. అతన్ని బెదిరిస్తూ మాట్లాడటంతో ఇరు వర్గాల మధ్య వాదన జరిగింది. పోలీసుల తీరుతో విసిగిపోయిన యువకుడు కోపంతో పెట్రోల్ పోసుకొని నిప్పంటించుకున్నాడు. చికిత్స కోసం అతన్ని ఆస్పత్రికి తరలించారు.
తెలుగు రాష్ట్రాలకు కేంద్ర ప్రభుత్వం గుడ్న్యూస్ చెప్పింది. తెలంగాణ కొత్త నాలుగు, ఏపీకి రెండు మెడికల్ కాలేజీలను కేటాయిస్తూ ఉత్తర్వులు జారీ చేసింది. తెలంగాణలో యాదాద్రి భువనగిరి, మెదక్, మహేశ్వరం, కుత్బుల్లాపూర్ కాలేజీలకు అనుమతి ఇచ్చింది. ఇక ఏపీలో కడప, పాడేరుకు కేటాయించింది. ఈ ఏడాది నుంచే తరగతులు ప్రారంభం అవుతాయని కేంద్ర వైద్య ఆరోగ్యశాఖ తెలిపింది.
వరంగల్లోని ఎంజీఎం ఆస్పత్రి ఆవరణలో అమానుష ఘటన చోటుచేసుకుంది. ఔట్ సోర్సిగ్ ఉద్యోగం ఇప్పించినందుకు నెల మామూళ్లు ఇవ్వలేదని సుమలత అనే కార్మికురాలిపై రాజమ్మ అనే మాజీ ఔట్ సోర్సింగ్ ఉద్యోగ సంఘం నాయకురాలు దాడికి దిగింది. గొలుసులతో కొట్టి వివస్త్రను చేసేందుకు ప్రయత్నించింది. దీంతో బాధితురాలు మట్టెవాడ పోలీస్ స్టేషన్లో ఫిర్యాదు చేసింది.